کوردستانەکەم نیشتمانی جوان
قیبلەی دڵ و گیان فێنکایی لێوان

باکوور و باشوور لایەکی جەستەم
ڕۆژهەڵاتیشم تەواوی جەستەم

ڕۆژاوا ئەمرۆ چرای گەشی من
هێما و شکۆیە چارەنووسی من

لە قامیشلۆوە تا کۆبانێی بەرز
دوژمنت هێنا سەر خۆف و لەرز

پارچە پارچەشبی هەر یەک وڵاتی
بۆ کوردی ئازا تیشکی خەباتی

خاکی ڕۆژاوا زامی سەر دڵە
هەستانەوەی ئەو گوڵاوی فڵە

هەر چوار پارچەکەم برینار کراوە
بە گەلە گورگ دەورەی دراوە

هەر چوار پارچەکەم یەک لاشەو یەک ناو
بۆ تۆ دەجەنگین بە جەرگ و خوێناو