لە شەقامێکی
پڕ لە یادگاری
بە حاڵی نزار
نیوەڕۆ خوانێ

دەهاتمە خوارێ
لە خەیاڵات دا
ئەو شەنگە بێری و
من شۆڕە شوانێ

چۆن دڵتەنگ بووم
و نای خۆمم نەبو
وەک کۆتری بریندار
لەسەر سەربانێ

چەند کەسێک ڕێبوار
بێ ئاگا لە هیچ
کوتیان تۆ شێتی
خاوەنت کوانێ

بۆ وا ئاڵۆز و
سەر لێ شێواوی
بڕۆ حەمام بکە
جلی دڕاوت دانێ

کوتم خاوەنی چی؟
تەنیا بۆخۆمم
من هەرگیز شێت نیم
خودا دەزانێ

بەڵام کەسێکە
کە گیرۆدەی ویم
لە تاو وی ئاوام
ئەو پێ نازانێ

چۆن ئەمن پێر و
کز و نەماوم
بە چاوی لەسەر
لە من دەڕوانێ

بریا لێرە با و
لێتان پرسیبا
بۆ وا دڵ ڕەقە
ئەو چۆن دەتوانێ

بۆ عاشقی کردم و
بەجێشی هێشتم
ئەو بۆچی وایکرد
«تەنیا» دڵی دانێ