١. حەی، حَی: زيندوو. بێ چوون: بێ وێنه. بێ هەمتا: بێ شەريك. واته:
ئەی يەزدانی زيندووی بێ وێنه، ئەی بێ شەريكی بێ مانەند...
٢... . ئەی ئەمر دەری به 'دوو' پيتی «كاف»و «نوون»، ئەی كەريمی
كارساز به «كُنْ فَيَكُن» كه وتت ببه خێرا ئەبێ.
٣. واته: خالقی وەك تۆ ئيتر لەكوێ بوو، توانا هەر تۆيت، نادريش تۆ
دروستت كردووه. نازانم «نادر» مەبەسی له «نادر شا» بێت يا شتی عەجايب‏و نادر بێت! . م. كاردۆخی
٤. ستوون: كۆڵەكه. [ماناكەی لەگەڵ شيعری دواييدا دێت].
٥. واته: هەر 'حەوت' ئاسمانەكان لەگەڵ ئەستێرەكان بەو بەرزی‏يەوه
بەبێ كۆڵەكه ڕات گرتون، بەسەر ئەوانيشەوه كورسی‏و عەرش هەيه به مۆڵەقی به هەواوه، زەويشت به دەستی قودرەتی خۆت دروست كردووه.
٦. [ماناكەی لەگەڵ هۆنراوەی پاشەويدا دێ].
٧. به رۆ: به ڕۆژ. بدۆ: بدات. نوور: ڕووناكی. سوب: بەيانی. واته: كێ
توانای هەيه جگه له تۆ ڕووناكی ڕۆژو تاريكی شەوان دروست بكات؟ ! ، يا كێ ئەو توانايەی هەيه شەوی تاريك به هاتنی بەيان سپی بكات‏و به ڕۆژيش ڕووناكی بكات؟ ! .
٨. واته: يا خۆ كێ توانيويەتی هەموو ئێوارەو هەموو بەيانيێك شەوق
بدات به مانگ‏و ڕووناكی بكات، يا شەوق بدات به خۆرو ڕووناكی كات؟ ! .
٩. بەر مارۆ: دەردێنێ. [ماناكەی لەگەڵ هۆنراوەی دواييدا دێت].
١٠. واته: يا كێ تەتوانێ لەناو بەردی ڕەقا كانی‏و ئاوی پاك دەربێنێ؟ ! ، كێ
له دڕك ئەتوانێ گوڵ دەربێنێ؟ ! ، يا كێ عەشقی گوڵ ئەخاته مێشكی بوڵبوڵەوه؟ ! .
١١. يۆتەر: يەكێتر. واته: ئەمانه هەموو كردەوەو كردنی تۆن ئەی تاكی
تەنيا، ئەگەر يەكێتر بوايه دا ئەماو هيچی پێ نەئەكرا.
١٢. واته: هەركەس تۆی به حەق ناسيبێت ئەزانێت كه هەموو ئيش‏و
كارێك به دەستی تۆ ئاسانه.
١٣. سنعەت: پيشه. واته: وەستای سنعەتكاری باش، ئەی خوای گەوره
هەركەس تۆی لەبير بێت، ئەوه بەڕاستی حەق ناسەو موسوڵمان‏و دڵ پاك هەر ئەو كەسەيه.
١٤. واته: يادی ڕەفێقی ئەوانەيه كه شەو تا بەيانی عيبادەت ئەكەن، تۆ
ياريانی شەو به ڕۆژ ئەكەن.
١٥. [ماناكەی لەگەڵ شيعری پاشەوەيدا پێكەوه دێن].
١٦. واته: كانگای بەخشش‏و كەرەم، كەريم هەر تۆی ڕزق دەری
مەخلوقات له هەموو ڕۆژێكا، ئەی يەزدان هەر تۆی. تۆ له خوانی بەخشش‏و كەرەمت ڕۆزيت قەرار داوه بۆ ئينسان‏و جنۆكه، بۆ باڵندەو مێرولەو مار.
١٧. واته: هەرچی گياندارێك هەيه، وه تا ڕۆژێك له ژيانايه هەموويان
پێويسته تەسبيحاتی زاتی تۆ بكەن‏و سەنا خوانت بن.
١٨. [مانای ئەم هۆنراوەيه لەگەڵ دوو هۆنراوەی دواييدا پێكەوه دێت].
١٩. واته: بوڵبوڵ به خوێندنی هەزار چەشنی، ناوی تۆ ويردی زوبانيه.
كەوان كه ئەخوێنن له كۆساران، يا خۆ كۆكۆی قومری له قەراخ جۆگه ئاوەكاندا، هەمووی حەمدو تەسبيحات‏و تەعريفی زاتی تۆ ئەكەن‏و به شەوان تا ڕۆژ ئەبێتەوه ناوی تۆ ويردی سەر زوبانيانه.
٢٠. [ئەمەو شيعری دوايی ماناكەيان پێكەوه دێت].
٢١. واته: زاتی تۆ بەم جۆره بەڕاستی زاتێكی نادرو عەجايبه، بەبێ شك بۆ
دروست كردنی هەموو شتێك قادرو توانايه. تەنيا بۆ يەك شت توانای نيه! ئەويش ئەوەيه كه ناتوانێ يەكێكی‏تر وەك خۆی دروست بكات.
٢٢. واته: زاتت زۆر گەورەيه بێ حەددو شومار، وه هێشتا عەقڵو ئيدراكی
هيچكەس به ماهيەتی زاتی تۆ نەگەيشتوه.
٢٣. واته: ئەگەر عالمه يا شێخه يا پڕ كەماڵه زوبانی له وەسف‏و سەنای تۆ
لاڵه.
٢٤. واته: تۆ فەردێكی بێ هاوتاو بێ شەريك‏و تاكی، باكت له كێيه تۆ بێ
باكی.
٢٥. واته: لەلای تۆ ئەی يەزدانی ئيش چاك، ئەی زيندووی بێ وێنه پاشا
چيه؟ ! خان چيه؟ ! ، ميرو وەزير چين؟ ! .
٢٦. [باڵه تۆفانه: باڵه مێشووله. ] واته: ئەگەر دونياو هەرچی له دونيادا هەيه
هەمووی وێران ببێ، به قەد شتێكی بی‏ئەهميەت بەر تۆفان بكەوێ لەلای تۆ هيچ بايەخی نيه.
٢٧. واته: ئەگەر يەك چاو تروكاندن ڕقی تۆ هەلسێ، شاخ‏و كێو وەكوو
قەترەی ئاو ئەتاوێتەوەو ئەچێت به ئەرزا.
٢٨. واته: پەروەردگارا ڕقت زۆر گەورەيه، كەرەميشت بێ سامان زۆره: خوايا كەس توانای قەهرو غەزەبی تۆی نيه ئامان سەد ئامان (نەكەی
غەزەبمان لێ بگری، ڕەحممان پێ بكه).
٢٩. [مانای ئەم هۆنراوەيەو 'حەوت' هۆنراوەی دوايی پێكەوه دێت].
٣٠. [كۆن: كوا].
٣١. [بەد واچ: بەدگۆ. نار: ئاگر، وشەيەكی عەرەبی‏يه].
٣٢. [هامسا: دراوسێ].
٣٣. [بگێری: بگری].
٣٤. واته: ئێمه هەموو بەندەی گوناهكارين! ، له خەتا باريدا بارمان قورسه،
هيوامان به لێبوردنی بێ سامانی تۆيه، وەگەرنه كردەوەی چاكه لەلای ئێمه كوا هەيه؟ ! ، نوقم بووی گێجی بەحرو دەريای گوناهكاری‏ين، نه ئيشی چاكمان هەيه نه كردەوەی باش. به خراپه ئەدوين، بەدگۆين، بەد كردارين، لايقی سزاو ئازاری ژووری ئاگرين جەهەننم، له 'هەزار 'كەسا يەكێكی چاكمان نيه، لەگەڵ چاكانيشا دراوسێ نين! ، ئەگەر به خراپەو بەدكاری خۆمان حيسابمان لەگەڵا بكەيت ئەوا هيچيەكێ له ئێمه به پاكی‏و سەلامەتی دەرناچێت‏و ڕزگاری نابێت. بەڵێ تۆ كەريمی بەخشەندەی كەرەم داری سڕ پۆشی هەموو «عەيب»و «عار»مانی ْ وه تۆيش غەففاری‏و له گوناهانمان خۆش ئەبيت. تۆ ئەو ڕۆژه عەفووت كردين‏و به لێبوردنت خەڵاتت كردين كه فەرمووت: «قُلْ يا عِبادی لا تَقْنَطُوا مِنْ رَحْمَةِ اللّە إِنَّ اللّە يَغْفِرُ الذُّنُوبَ جَميعاً» «ئەی پێغەمبەر بڵێ به عەبدو بەندەكانم نائوميدو مەئيوس نەبن له ڕەحمی خوا بەڕاستی خوای ئێوه هەموو تاوان‏و گوناهەكانتان ئەبەخشٌێ».
٣٥. واته: ئەی خوای گەوره تۆ له خەتا عەفوومان ئەكەی‏و له
گوناهيشمان خۆش ئەبيت، تۆ بەخشەندەيێكی بێ باكی‏و دڵ نالەخشێنی.
٣٦. واته: هەرچەند گوناهبار گوناهی زۆرتر بێت، بەڵام تێغی عەفووو
لێبوردنی تۆ بوڕەندەو تيژتره.
٣٧. [ئەمەو تا هۆنراوەی ئاخر ماناكانيان پێكەوه دێت].
٣٨. خسوس، [«خصوص»]: بەتايبەتی. پەرێ من: بۆ من. سەنگين بار: بار
قورس.
٣٩. [بويەر: ببوره. جورم: خەتا]. واته: بۆ خراپه كردنمان، بۆ بەدی‏مان
عەفوو لێبوردنت تەلافی‏يه، لوتفی گشتی تۆ بۆ گشتمان‏و هەموومان كافی‏يه. بەتايبەتی بۆ من كه گوناهم له هەموو كەس زۆرترەو باری ياخی بوونم له خواو ئايين له هەموو بارێك قورسترو گرانتره. دەفتەری كردەوەم له گوناهباری‏يا تەواو ڕەشەو مۆری بەدبەختی‏و خراپيم ناوه به دڵما، ئەی كەسێك كه له گوناهام خۆش ئەبيت‏و پەنامەكی كردەوەی هەموو كەس ئەشاريتەوەو ئاشكرای ناكەيت يانێ ئەی خوا ببووره له جورم‏و خەتاو گوناهەكانی «صەيدی» خەتاكارو گوناهبار.
ئەم هۆنراوەی دوايی‏يه جارێكی‏تريش له دوا ئاخری هۆنراوەی «ياران دێوانه»دا تەكرار كراوەتەوه.