شیعر، شاخێکی ئەستەمە
داوێنەکەی ئاپۆرەیە
جەنگەڵ و بێشەی قەڵەمە

کە دەگەیتە قەدپاڵەکەی
پەنگانەوەی حەشاماتە
ڕاکەڕاکەی ڕەوەئاسکی بەردەم گورگە
ئەمان دەستیان لەسەر دڵە و
ئەوان دەستیان لەسەر ورگە

که هەورازتر هەڵدەڕوانیت
تاکوتەرا
لێرە و لەوێ
چەند بەژنێکی خاچئاسایی دەشنێنەوە

سەرتاپێیان شەڵاڵی خوێن
هەنگاویان پڕ هێمای خەمە
هەر ئەمانەن هەورازبەزێن
هەر ئەو چەندەن ڕێی لووتکەیان لە بەردەمە.