ئاڵەکۆک

عەبدوڵڵا پەشێو add_a_photo
قرۆشێکە دوو لای هەیە:
ئەملای نەفرەت، ئەولای نەفرەت.
هەر هەڵی دەن!
قەت ناگۆڕێ، ناگۆڕێ قەت.
جارێک خەت دێ جارێکیش شێر،
جارێک شێر دێ جارێکیش خەت.
قەت ناگۆڕێ، ناگۆڕێ قەت!
***
خەمم هێندەی قەڵای کەرکووک چوارشانەیە،
وەک ئوتێلی پئنجئەستێرە قاچاخچییان
کەڵەگەتە.
چ حەسرەتە!
جگەرگۆشەم گەورە نابێ،
گیرۆدەی داوی نەگبەتە،
وەتی هەیە
هەر خەریکی شێر و خەتە!
کانوونی دووەمی٢٠١٢- هێلسنكی
لاپەڕەی ١٥٨,١٥٩
نووسین: خالید قادری

پەراوێز edit