ئەی دلێران، بێچوە شێران
بەسیە، هەستن لە خەو، وا بەیانە
بۆ بەرزی قەومی کورد
تیکۆشن دەست و برد
چاوی لێتانە، دایکی وەتەن
***
عالەم ئەمڕۆ هەر خەریکە
هەوڵ ئەدا بۆ بەرزیی ژیانی
یەک گرن، پێش کەون
ڕاپەڕن، سەرکەون
چاوی لێتانە، دایکی وەتەن
***
مەکتەبە دەرمانی ئێمە
خوێندنە ڕەهبەری ڕزگاری
هەستن ئەی لاوی کورد
تێکۆشن دەست و برد
چاوی لێتانە، دایکی وەتەن
***
چارەسازان، کاربەدەستان
بۆچی وا مات و بێ دەنگ و دوورن
ئۆباڵی قەومی کورد
لە ئەستۆی ئێوەیە
چاوی لێتانە، دایکی وەتەن