مامۆستای زاناو دانا
ئەی دڵسۆزی بەتوانا

ناوت گەلێک پیرۆزە
وتەکانت بە سۆزە

ڕەنجی تۆ، لە بەرچاوە
چەند پیرۆزە ئەو ناوە

بۆ ئێمە ماندوو دەبی
سەلامەت بی یاڕەببی

فێرکاریەکەت زۆر جوانە
پیشەی پێغەمبەرانە

هەرچی فێری بووی ئەتوو
بۆ ئێمەی دەهێنیە ڕوو

گوێتان لێ دەگرین بەدڵ
لە ئەو کارە نابین سڵ

خدمەتکارین، قوتابین
چۆنی باشە، با وا بین

پەیمانێکی دەبەستین
لە فێر بوون ڕناوەستین

ئێمەش پەپوولە و مەلین
هیوای دواڕۆژی گەلین

بیپارێزی خودایە
هەرکەسێ مامۆستایە