ھەرکەسێ مەحرەمی دڵ بوو له حەرەمخانەی ما
لێ‌نەزانی دژی ئەو حورمەته بۆ تانەی ما

گەر له پەردەی دڵی من ھاته دەرێ عەیبی مەڵێ
خوا شوکر ئەو شک و دوودڵیە که ھەیبوو نەی ما

خەرقەیێکم ھەبوو سەد عەيبی منی پۆشيبوو
نامه ڕەھنی مەی و بەدنێوی نەبێ لەش نەی ما

سۆفيان خەرقەکەيان له گرەوی مەی ھێنادەر
خەرقەکەی من به تەنێ لە گرەوی مەيخانەی ما

له قسە و باسی ئەوینم نەدی خۆشتر دەنگێ
بيرەوەریێکی که لەو خێوەته بەرپانەی ما

بۆته شێخ لێم و لەبيری چوو چ بوو دارۆغە
ھەر قسەی ئێمەیە لەو کووچه و کۆڵانەی ما

جگه له دڵم که ئەوینداره ھەوەڵ تا ئاخر
نەشنەوتم کەسی دی بەو سفەته جوانەی ما

ھەر شەڕابێکی که لەو دەسته بلوورینەم سەند
بوو به ئەسرین و لەسەر دیدە تەم و تانەی ما

نەخشی چين وا له جەماڵت سەری لێ سوڕ مابوو
شوێنەوارێکی له دیوار و له گوێسوانەی ما

خۆی نەخۆش کرد بوو نێرگس که له گوێن چاوت بێ
به مرادی نەگەیی حاڵی نەخۆشانەی ما

ڕۆیی بۆ دیتنی زولفت دڵی حافز ڕۆژێ
ئیدی ھەرگیز نەگەڕاوه و لەبری شانەی ما