ئارەقاوی و زولف‌ئاڵۆز و بە لێو خەندە و مەست
بە یەخەی واز و بە ئاوازەوە، پەیمانە بە دەست

چاوی مەستی لە شەڕ و لێوی بە لۆمە و لەقەمی
نیوەشەو هات و تەکی دا بە سەرینم بێ‌هەست

سەری هێنایە پەنا گوێم و بە سرتێکی حەزین
وتی ئەی یاری لەمێژینە، خەواڵووی یا مەست

عارفێکی کە وەها بادەیی شەوگیری دەنێ
کافری عیشقە ئەگەر بێت و نەبێت بادە پەرست

شێخەکەم! ڕەخنە لە مەیخۆرەکان مەگرە بڕۆ
جگە لەو ئاوە نەیانداوە بە مە ڕۆژی ئەلەست

ئێمە دەیخۆینەوە ئەو هەرچی کە بۆمان تێکا
جا ئەگەر خەمری بەهەشتییە، ئەگەر بادەی خەست

پێکەنینی مەیی و ئەگریجەیی لوولووی دڵبەر
زۆر کەسی تۆبە وەکوو "حافز" داداوە لە قەست