لەگەڵ تۆمە وەرە ساقی بە کاسان بێنە لەو بادە
ئەویندارم دڵم ناشادە بەو بادە خەمم ڕادە

بە هۆی ئەو بۆنە خۆشەی پەرچەمی، وا سروە دەیهێنێ‌
دڵان خوێنن، بڵێ‌ ئەو پرچە پڕ چینانە بەس بادە

لە مزڵ و ماڵی ئەو جوانانە ئەمن و ئەمن و ئاسایش؟
کە دەنگی زەنگی قافڵەی دێ‌ دەڵێ‌ بارکەن بەرەو جادە

بەمەی بەرماڵی نەخشین کە ئەگەر پیری موغان فەرمووی
کە سالیک شارەزای ڕازانە، لەو ڕەمزانە ئوستادە

شەوی تار و شەپۆلی ئاو و گێژاوی بەسامی وا
لە کوێ‌ حاڵی دەبن حاڵی مە سووکبارانی دڵسـادە

هەموو کارم لە خۆبینی بە بەدنێوی گەیی ئاخر
چلۆن پێم ون دەبێ‌ ئەو ڕازە کاتێ‌ گەییە ئەو ڕادە

مەرامت گەر وه‌ساڵی یارە لێی خافڵ مەبە حافز
بەبادە و مادە خۆ دڵخۆش کە، دنیا بادە، لێی لادە