پیاوی زانا چۆن لە ڕەویەی قەومی خۆی حاشا ئەکا
چۆن لە ئاداب و ئوسووڵی ئەو گەلە ئیبا ئەکا
هەروەکوو مەنسوور أنا الحق گۆ بوو گەر بیشمکوژن
خوێنەکەم ئەتکێ بە کوردی دەردی خۆی ئینشا ئەکا
کورد ئەوەند کوردن بە سەد شەیتان لە کوردی ناکەون
ئیکە خەڵکی بۆ چی بۆخۆی دەردی سەر پەیدا ئەکا!
باوکی ناناسێ خودا ئەیزانێ کێیە و کەی بووە
هەرکەسێ تەرکی زوبانی خاسی مادەرزا ئەکا
هەرکەسێ هات و وتی کورد مردووە باوەڕ مەکەن
شێتە، بێ عەقڵە، کەر و گایە، قسەی بێجا ئەکا