ئیبتیدا بە نام پادشای قەدیرە
مامە موحەممەد دەلیل دەست گیرە
مورید موخڵیس سەی ئەحمەد میرە
وەزوود بکیانە پەرێم تەمیرە
مەوجوودەن خالیق بینا و بەسیرە
ساحێب کەرەمەن گوزەشت قوسیرە
مەواچە مەڵڵا شێت و فەقیرە
خودا وەیتەورە کەردەن تەسویرە
فیدات بام کەمتەر مەکەر جە ویرە
دایم وەیاران بکەر تەعزیرە
قوربان ئەهل هەق هەر وەخت زەویرە
وەدەست نادان زەلیل و گیرە
مەردی هەق دایم ڕەوشەن زەمیرە
بێ پەروا جە تەعن گشت تانە و تیرە
قوربان جەدت بام خەڵک شارەزویرە
پەی گردین یاران دەلیل دەست گیرە
ڕۆژ و ماه و ساڵ...
دایم شەوقت بۆ ڕۆژ و ماه و ساڵ
نوور چەمانم ئەی دەروون زوڵاڵ
نمەیۆ وەکار واسواسە و خەیاڵ
تەسلیم وە ڕای هەق بار کێش چون حەماڵ
ڕجام هەر ئێدەن وێت بکەرە لاڵ
وە دوانزدە مەسرەع شیعرم کەرد ئیکمال