ئاڵەکۆک

پیرەمێرد add_a_photo
پیرەمێرد پەندەکانی پیرەمێرد
٥. لە ڕووی جیهاندا، تۆ وەرە پاک بە
لە ڕووی جیهاندا، تۆ وەرە پاک بە
ئەوسا لە واتەی خەڵکی بێ باک بە

هیچ کەس لە واتەی خەڵک ڕزگار نابێ
پیاوی قین لە زگ، قەت بە یار نابێ

بەهیوای هاوسێ، بێ چێشت ئەمێنی
چاوەڕێی دەست بی، هەر خەو ئەبینی.

چاو مەبڕەرە دەست، خراپ فێر ئەبی
بە پارووی خەڵکی، درەنگ تێر ئەبی!

کە قەڵبی "ئیقباڵ" لابقائییە
بە کەم هەڵکردن، پادشاییە

تا خۆت دۆست نەبی، کەس نابێ بەکەس
چەپڵە لێ‌نادرێ، بە تەنها یەک دەس.

بۆ دۆستت چاکە، غەیر بێ‌ئەنجامە
ماڵ ڕاوەستابێ، مزگەوت حەرامە

بۆ دونیا دەبێ دەست بدەیتە دەست
هیچ کەسێ، هیچ کەس ناباتە بەهەشت

دەوران دەوڵەتت لە دەست دەسێنێ
بەڵام ناوی چاک تا سەر دەمێنێ

نییەتت چاک بێ، ئیش دەبەیتە سەر
درەخت "زڕ" نەبێ، هەر بۆت دێتە بەر
نووسین و ئامادەکردن: کەماڵ ڕەحمانی
پەندەکانی پیرەمێرد، ڕۆژنامه‌ی ژیان، ژماره‌ ٣٢٧.

پەراوێز edit