ئاڵەکۆک

بێسارانی add_a_photo
بێسارانی دیوانی بێسارانی
٤٦. خاو جە دیدەم دۇر
خاو جە دیدەم دۇر ...
خەیاڵت کەردەن، خاو جە دیدەم دۇر

هەر ئەسر هۇنش مەیۊ بە زەرۇر
تېدا نەمەندەن زەڕېو مایەی نۇر

وېنەی تازە زام، سەر تېخی مەودا
هۇناو لاو بەستەن، مەشۊ بە ئەودا

هەر موژە قەترەی هۇنش کەردەن چاک
بە وېنەی ئەڵماس لاڵی سیم حەکاک

دیدە کە قەترەی هۇن جېش نەوارۊ
شەرتەن پېش واچان، مایەی نۇر دارۊ

خەیاڵم خاڵی نېیەن جە خاڵت
فیدای خاڵت بام چەنی خەیاڵت
هێنانە سەر ڕێنووسی هۆرامی: ئاکۆ مارانی

پەراوێز edit