ڕۆیێ سوپای کوفر دیم نە دەوری دین
دڵ دەر لاد کافر، پشت کەرد نە یەقین
زوننار وست نە دۆش ناقووس گێرت بە دەست
شی نە خاکپای پیری مەی پەرەست
جامێ جە شەراب عەشقی بت نۆش کەرد
حەرفی دین جە لەوح دڵ فەرامۆش کەرد
ڕووم کەرد نە ڕووی دڵ خەیلێم کەرد مەنا
کێ بەردەن وەسای بت پەرەست پەنا؟
پێسە بێ پەروا وێنەی پەروانە
وێت مەدەی نە شەوق سەیری بتخانە؟
دڵ وات بەو کوفرە نە دین بەستەن دەور
من بێزارەنان جە دینت بەی تەور
سوب جە بتخانە دەروون پڕ جە جۆش
شێوەی شیرینی بادەی بادە نۆش
خاستەرەن جە دین ڕیا کەردەی تۆ
ڕەنجی ئاخر، هیچ بەر نەوەردەی تۆ