شیرین تار کەردەن...
یەک تایێ جە زوڵف سېیاش، تار کەردەن

بە تارش عەقڵم تار و مار کەردەن
بە پېچش کۊی خەم وەنەم بارکەردەن

بە شەوبۊش، بۊ عەتر دەماخم کەردەن
بە ڕەونەق ڕەنگ بەست ڕۇی داخم کەردەن

بە باریکیش گەرد، تەنم بە ئاو دا
ئاو داش بەڕۇی بەرگ بافتەی ساودا

بە درازیش عومر کۊتام درازەن
تا پەردەی حیجاب نە ڕۇی ڕاز بازەن

ئەو بە تایێ زوڵف سېیای بۊ عەنبەر
بەند کەردەن گېیانم تا بە ڕۊی مەحشەر

ئەر ئەو دەستەی زوڵف شەماڵ بشانۊ
گشت ئاڵەم زیندەی جاوید مەمانۊ