لە حەملەی ڕایی هیندی غەم، شەهی شادی گورێزانە
سەراسەر ئەم ڕەهە ئیقلیمی دڵ پاماڵی فیلانە
بە هەوری خەم لە ڕەعدی گریە سا چەخماخە دە ئەی دڵ
لەلای دەریادڵان ئەشکم هەموو بارانی نیسانە
دەروون سەودایی دڵ دەردێ هەتیوئاسا لەدەست حاجیب
بروون سوو مەردومی دیدەم بە حەسرەت ئەشکڕێزانە
میان زەنبووری من قەت شەهدی بێ تەڵخی بە کەس نادا
بەقەد سافیی عەسەل دایم لەگەڵ ئەم شانە نێشانە
ڕەفیقت دڵ قوبووڵ ناکا ڕەقیب لێم لادە توو دینت
حەبیبی من لەگەڵ تۆ وەک ئەنیسی کرم و شیلانە
دوو سەنگین سەنگی باوەزنن غەم و پیری دوو تا حازر
خەریکی کەشمەکەش دڵ دووسەرە لەم وەزنە وەززانە