دیدە عەینی جارییە، دڵ پڕ لە ناری مووەققەدە
ئاب و تابی حوسن ئەدەم بەو گوڵ عوزاری موو قەدە
سەیری سەگ مەرگی ڕەقیب کە، کە غەیری ئەو سەگە
شیری غەمزەت شێر و بەوری ڕوو بە ڕوو بێ، دوو قەدە
لالە داغە، غونچە دەردە، پێ لە خاکا ماوە سەرو
تا موشەڕەف بوو چەمەن بەو ڕوومەت و لێو و قەدە
چاوی مەیگوونت وەها مەیخانەی ئاوا کردەوە
چۆڵی کرد ئاخر بە زاهید خەڵوەخانەی شەعبەدە
دڵ دەبا غەمزەت، چ فەرقی ڕەند و سۆفی بۆ نیە
سەیدی مردوو حەیفە ئەم شەهبازەتی تێ بەرمەدە
بەشمە پێی قانیعم و بەسمە داغ و دەردی سەرمەدی
سەر بە دەردین ئێمە، بێ دەردی! لە ئێمە سەر مەدە
شەو بە قەتڵم وەعدی دا. ئەمڕۆ پەشیمانە، خودا!
خۆ لە مەحوی جونحە هەر گەردەن کەچی بوو سەرزەدە