هەر دنالم شەڤ و ڕۆژان مەگەر ئەییوبم ئەز
هێستران هەر ڤەدمالم مەگەر یەعقووبم ئەز
ب کەرەم دەست ژ مە بەردن گول و وەردان بکن
وەر بپێچین ب جەفایێ خوە نە مەکتووبم ئەز
هندەکێ غەم هەیە دائم ل من ئەو ڤێک دکەڤن
ئەز نزانم کو ب چاڤ وان خوەیی مەحبووبم ئەز
غەم تەلەبکارێ مەیە ئەم خوە تەلەبکارێ دیار
وە تلسمێ تەلەبێ تالب و مەتلووبم ئەز
عەجەب ئقبالێ ژ من نهە خانی کو ل بال
پادشاهێ غەم و دەردان وەهە مەرغووبم ئەز