زیندوو
بە دەستی سڕ و مەستی زستان ئەگەی
مردوو
بە دەستی من نا!
ئەشمریت
وە مردنت
ئەبێتە ناونیشانێک
کاڵ‌نووسراو لەسەر وایت‌بۆردی مەدرەسەیەک
بووکە بارانەی، منداڵەکان هەموو ئەتدۆزنەوە
هەموو..ئەتخوازن..
من نەبێ!
ناونیشانت وەکوو ئەفسانەیەک
وەکوو سێزیف
دوور و دوور و دوورتر...

ئەم پاکەتە نا
پاکەتێکیتر
فەرامۆشت ئەکەم؛
پاکەتێکیتر نا
پاکەتێکیتر
ئەمرم و مردنم
ئەبێتە ڕەمزێک ڕازاوە بە ڕاز
لەسەر ساماڵی ئاسمانی شەوێکی ماندووی
نازانم کام وەرزدا
تا ئێواریەکی نازانم کەی وچۆن..
زیندوو
بە دەستی مەستی زستان ئەگەی
مردوو
بە دەستی من نا