٣١ بەیت شیعر و تەنیا یەک سەروا
لە ئەدەبیشا زۆر هاتوینە دوا

بە بەزمانەکەی خۆت ئیتر بنوسە
وەرگێڕت هەیە نەوەک قاموسە
زیرەکی دەستکرد ئەو تیانوسە
بۆ ژیان ڕۆژانە کە زۆر پێویسە
سەرپۆشی سەرە ئا بەو دەمبوسە
هەر ڕا ئەوەستێ هەر چەنە لوسە؟
بەیەکێ ئەڵێن کە زۆر دەم لوسە
کە زۆر قسە ئەکا و گەلێ بە تەوسە
بە کەسێ ئەڵێن گەلێ نا کەسە
دەمیشی پیسە و ئەو بێناموسە
ئەو کەسە شێتە کەوا واس واسە
ناوی ها لەناو خەڵکی قسەو باسە
ڕوناکی چراو مۆم یاخود لۆکسە
گگرنگ ئەوەیە کامیانە خاسە؟
پرۆسەی هەڵبژارن لە کۆن تا ئێسە
غەل و غەش کرا لەگەڵ چەن کەسە؟
گۆڕان کاری نییە هەموی یەک دەسە
هەرگیز ناوەستێ کەس ناڵێ بەسە
کامە نەزانە و کامەش پێ خواسە؟
ئەمرۆ پێی ئەڵێن کە پیاوێ خاسە
ئەی ناکەس بەچە بەسە خوا بناسە
ئەو کردەوانەت جێگەی قسەو باسە
بە ناو ئیسلامی ڕووت خوا نەناسە
بەسە واز بێنە بەس مرۆڤ هەڵواسە
ڕوبارێ کەرکوک بە ناوی خاسە
لە هاویناندا وشکە و کەساسە
قەدیمیان بویان دەفرو هەم کاسە
لە دروێنەشدا مارەغان داسە
ئەو دوانە بۆ درە و گەلێ پێویسە
باریان پێ ئەبەس گوریس و قەیاسە
هیچ دەوریان نەما ئا ئەو کەرەسە؟
سەردەم ئایفۆن و هاندی گالێکسە
وتەیەکیش هەس گیسکی هەیاسە
هەیاس زیرەک بوو ئەو تاکە کەسە
عەشیرەتێ هەس ناوی بڵباسە
ئەگەر نایناسی مێژووی بناسە
دەنگخۆشێ هەیە حەسەن هەیاسە
گۆرانیەکانی خۆشە و پڕ هەسە
لە پشدەر ناودارێ ئاغا هەباسە
خەڵک ئەگێرنۆ لەو قسە و باسە
کێ قسەی خێر بکا ئەو پیاوێ خاسە
بە کردەوەیە نەک بەقسە و باسە
پێناسەی خەڵکی هەر بەشوناسە
دوو ئاشقی جوانن خەزاڵ و لاسە
ئەوەی کار نەکا تەمەڵە و لۆسە
ئەوەی بێ ڕیشە پێی ئەڵێن کۆسە
گەنجیش ها بەدوای حەز و هەوەسە
باوکی پێی ئەڵێ خوێڕی و تەرەسە
ئەگەر پێم بڵێی لەسەر قاچ بوەسە
ئەمرت بەجێیە و فەرمانت خاسە
خۆ من پێم وتی لە سەرم بۆسە
زۆرم هاوار کرد دەنگیشم نوسە
کاتێ گەشتمە لات نەما هەناسە
دڵ و دەروونم پڕ بوو لە تاسە
سەبرم لێبڕا و لەو قسە و باسە
پەنگم خواردەوە ئا لەو ئەحساسە
نازانم چیبکەم لەو هەس و نەسە؟
خولیای ماچم کرد وا بەگڕ و تاسە
لێوانی هێنا و وتی بیان گەسە
سەر کوڵمەکانم بەزمان بلێسە
جێگا ماچەکەم وەک ماران گەسە
خۆ من لەم دونیا تەنیا تۆم بەسە