ئەو پێنوسەی کە پێ ی ئەنوسم
لەخەڵکی وایە گوایە زمان لوسم
ئەو پێنوسەیەی کە پێی ئەنوسم
بۆ خزمەتکردنە بەکاری ئەهێنم
شیعر و هۆنراوەی پێ ئەنوسم
وەسفی دیمەنەکانی پێ ئەکەم
نادادی لەکوێ بێ دەری ئەخەم
من زیاتریش لەسەر غەدر و زوڵم
ناپاکی و دووڕوی و فێڵ ئەنوسم
لە هەر شوێنێ ناڕەوایەک ببینم
یا پێشێلکاری نایەکسانی ئەببینم
بە پێنوسەکەم ڕێگەیان لێ ئەگرم
هەر بە هیزر و بیرو بە پێنوسەکەم
هۆنراوەی جوانی ئاشقانە ئەنوسم
ناوی ئەوینداری و ئەوینان ئەهێنم
هەر بە پێنوس و دیدگا و تێڕوانینم
باسی چەوسانەوەی گەلان ئەکەم
لە پێش هەموان گەلەکەی خۆم
لەگەڵ فەلەستینی بەش خوراوم
ئەو هەیەتی ٢١ برای چاورەشم
کە ڕزگاری کەن گەلی دڵ گەشم
گەلەکەم داناوە لەناو دڵو هەناوم
تاکە گەلە لە جیهان و سەر زەویم
کە ڕزگار نەکراوە ڕێیان نەدا دوژمنانم
لە نێو خۆشمانا کەمتەرخەمی ئەبینم
زۆر شۆڕشکرا هەرەسهات و تێکشکام
نازانم بۆ لە هەموو گەلان گەلەکەم؟ !
خوا شانس و بەختێکی پێنەدام
بۆ ئەوەی منیش هەستبکەم؟
کە گەلێکی سەر ئەم زەویەم
کە بڵێم منیش نەتەوەیەکم
لەم جیهانەیەدا منیش هەم
بۆچی لە ژێر چنگ و چەپۆکابم؟
ئەی خودا خۆ منیش کۆیلەی تۆم!
وەک نەتەوەکانی تر منیش بەندەم
بۆ نە شانس و بەخت نە چارەنوسم؟
ئەمانە هیچ کامیان نەبوونە یاوەرم؟
ئەو خەونانە هیچیان نەهاتە دی بۆم؟
بۆ ئەوەی وەک گەلان خاوەن وڵاتبم؟
خاوەن سەرکردە و خاوەن ئاڵا بم
لای تۆ ئاسان بوو کە ئەوەت پێبام
تا دڕندەکانی جیهان ئازاریان نەدابام
ئەوانەی خۆشمان بوون کەمتەرخەم
زۆرم پێگوتن هیچیان لێ وەرنەگرتم؟
هەموو دنیا گوێیان لێگرت لە پەیامم
سیاسیەکانی وڵاتم بەقسەیان نەکردم