بەرنامەی بەرنامە بەرزان و نەرمین
دەورێ جوانیان بوو نەماون لە ژین
بەناسۆر و نامورادی سەریان نایەوە
ناویان ئەمێنێ تاوەکو ئێمە هەین

هونەرمەند نوسەر کۆمەک ناکرێن
لە وانە کوردۆی شاعیر و نەرمین
ئەوان بە بێ نازی سەریان نایەوە
بۆ چی تاکو هەن ڕێزیان ناگرین

ئەوان مرۆڤ و کارەکترێ باش؟
خزمەتیان کرد وەک ئاشی باراش
مخابن کەس ئاوڕی لێنەدانەوە
بۆ گەل ژیان خۆیان کرد بێبەش

زۆری تر ئاوا بە وێنەی ئەوان
بەکولەمەرگی ڕۆشتن لە ژیان
زۆر بەداخەوە بۆ ئەو مرۆڤانە
بونە قوربانی گەل و نیشتیمان

ئەبوایە هەر یەکێ ژیانێ باشیان بێ
سەراپا ژیانیان دابین و مسۆگەر کرێ
ئەوان پێنوس و دراما و شانۆ کار بون
ئەبوا خزمەتگوزاریان بۆ دابین بکرێ

بەڵام داخەکەم ژیان بۆ وان نەبوو
خۆشیەکانیان هەموو لەدەس چوو
ئەوان بۆ کۆمەڵ و نیشتیمان ژیان
لە خزمەتکردندا درێغیان نەبوو

پارە سەرف ئەکەن بۆ کچە مۆدێلێ
هەرگیز نایدەن بە هونەرمەندێ
هونەرمەند و شاعیر و نوسەران
توێژی ڕۆشنبیر هەر بێبەش ئەکرێ