نە من کەسێکی هەستیارم
نە تۆ هێندە ئەوینداری

نە من بۆتۆ شێت و شەیدام
نە تۆ بۆمن برینداری

نە من لە دوریت ئاوارەم
نە تۆ لەو دوریە بێزاری

من بە زاهیر بوومە فەرهاد
تۆش شێوەی شیرن، بۆم یاری

ئەوین ئێستا بۆتە درۆ
خۆشەویستیش کایە و یاری

سەردەمایێک ئەوین خۆش بوو
شێوەی تامی ئاری باری

مەودای زۆر نیە تەمەنی عەشق
تاکوو بمان کا ئامۆژگاری

دڵنیام رۆژێک دێت و
وشک دەبێ بە ئێجگاری

ماڵی ئەوین کەلاوەیە
کوا نەوژەن کوا بۆیەکاری

مەجنوون شێت بوو بە هێمنی
بۆ لەیلا، تەنیایی و زاری