بێزارم لە هەموو ژیانم
کە ناوی تۆی لێ سڕایەوە
بێزارم لە خەیاڵاتم
کە یادی تۆی لێ زڕایەوە

بێزارم تەنانەت لە تۆ
کە بە درۆ کوتت خۆشم دەوێی
بێزارم لە دڵە سادەم
کە نەیتوانی خۆشی نەوێی

بێزارم لە با و باران
چون تۆ دێننەوە یادی من
بێزارم لە شێعرەکانم
کە نابن بە هۆی شادی من

بێزارم من لە پێکەنین
چۆن هەمووی ساختە و ڕیایە
بێزارم لە شیوەن و غەم
وەکوو هاورێ بەدوام دایە

بێزارم لە ژین و ژیان
لە دیتن و لە جوانیەکان
بێزارم لەوەی بەتەنێ
بچمە بەزم و میوانیەکان

بێزارم لە گشت تەمەنم
لای من نبوی بۆ ساتێکیش
بێزارم من لە کاتژمێر
لە خولەک و لە چرکێکیش

بێزارم لە هەر شتێکی
تۆ بێنێتەوە خەیاڵم
بێزارم لە بست بستی شار
لە کۆڵان و لە نێو ماڵم

بێزارم و خەتای تۆیە
کە بێزاری بوو بە بەشم
بێزارم لە هەستی بریندار
بێزارم لە بەختی رەشم

بێزارم لە زیندوو بون و
زۆر بێزارم لە مەرگیشم
بێزارم لە خۆشە ویستی
بێزارم لە دڵی تەنگیشم

بێزارم زۆر بێزار لە خۆم
کە تۆم کرد بە خۆشە ویستم
بێزارم لە هەموو قەول و
لە پەیمان و لە مەبەستم

بێزارم دو کەس دەبینم و
دێمەوە یادی خۆت و خۆم
بێزار لە هەناسە کێشان
وەڕەزم لێان بە دڵی خۆم

بێزارم لە شەو و رۆژ و
لە دووپاتە بونەوەیان
بێزارم لە بیرەوەری
بادانەوەو چونەوەیان

بێزارم لە لەیلی و مەجنوون
لە چیڕۆک و داستانەکی
بێزارم لەو دونیا پووچە
لە دەریا و دارستانەکەی

بێزارم لە تامی شیرین
لە تامی ترش و مزر و سوێر
بێزارم لەو ڕیاکارەی
بە زار عاشقە و بە چاوان کوێر

بێزارم لە ووشەی درۆ
کە ناوی عیشقت لێ ناوە
بێزارم لە تامی هەست
کە تاڵە بە وێنەی قاوە

بێزارم لە فیس و ئەدات
کە خۆت پێ لەمن زیاترە
بێزارم لە یادەکانت
کە ئیستا بوونە خاترە

بێزارم لە لێوەکانم
چونکە خەندیان لێ ونە
بێزارم لە کات و ساتم
چوونکە منیان لێ دوژمنە

بێزارم لە خۆ دزینەوەت
لە هەستی دوری بێگانەت
بێزارم لە بێ وەفاییت
لە نێوی ڕەشی خەیانەت

بێزارم لە هاتنە دونیا و
رۆژی لە داییک بونی خۆم
بێزارم لە وەی کە رۆژێک
بێ عەشقی تۆ بێم و برۆم

بێزارم لە دەست پێبوون
بێزارم لە سەرەتایی
بێزارم زۆر لە تەواو بوون
لە پایان و لە کۆتایی