چاوەکانی ڕەنگی هەنگوین بوون بەڵام
من لە تامی لێوەکانی شێوەی هەنگوینم دەوێ

ئەو نیگاهی عاشقانەی بۆ نیگارێ تر هەبوو
من بەڵام بۆ مانەوەم عیشقی سەنگینم دەوێ

ڕێژنە بارانە لە چاوم بێ ئەوەی کەس مردبێ
لە نێوان زانست و هێڕی خامەڕەنگینم دەوێ

زۆر کتێبی شێعر گەڕاوم پەڕ بە پەڕ و دێڕ بە دێڕ
هەر نەبوو ئارامی بۆ دڵ شێعری غەمگینم دەوێ

عاشقانی ئێستەکە بێ وفان و چل درۆن
لەیل و مەجنونیش خەیاڵین عەشقی پشتگینم دەوێ

شاخەوانی، شاخی بێ ڕەحمی دڵی بووم بێ ووچان
من لە عەشقیش دا هەموو کات شاخی بانگینم دەوێ

کۆلکە زێڕینەی نیگاهی دوا بە ڕێژنە دەرکەوت
بۆیە من هەر دەم لە ئاسۆ خۆری ڕەنگینم دەوێ

نازی وی خەروار بە خەروار و دڵی من چوکەیە
بۆ کڕینی نازەکانی، ماڵی زەنگینم دەوێ

تۆبە کوا بۆمن ڕەوایە بێ گوناحم لە ئەوین
بۆ تێکەڵاوی لەگەڵ وی هەستی شەنگینم دەوێ

کوا ژیان بێ هاودەمێک بە ئارامی سەر دەبێ
بۆ درێژەی ئەو ڕەواڵە کۆچی لەنگینم دەوێ

هێمنانە گەر بە شێوازێکی جوان باسی بکەم
بۆ ئارامی دڵی سادەم کەسی بەنگینم دەوێ

هەستە تەنیا و هەستی تەنیات دەربڕە
بۆ گەیشتن بە ویساڵی ڕۆینی خلنگینم دەوێ