سەدان ساڵی دیش تێپەڕێ
تەنیا عەشقی تۆ دەبینم
دەزانی چەندە گەڕاوم تا
تۆی خەزێنە وەبینم

خۆشویستن جوانترین دینە
دەست نوێژی ئەوین هەڵدەگرم
لەبیر کردنی خۆش ویستنت
ئی کاتێکە کە من دەمرم

عەشق وەکوو شەڕابی چاک
تا کۆنتر بێ چاک تر دەدگرێ
باڵەندەی خۆشویستن رۆژێک
لەسەر لوتکەی وەفا دەفڕێ

خۆشویستن ئەو کاتە دروستە
کە بێ یێکتر ژیان تاڵ بێ
کات و سات وا تێکەڵ ببن
رۆژێک دوری وەکوو ساڵ بێ