کاتێک ئەتۆ بە نازەوە چاوت لە چاوی من ئەکەی
بۆ خۆیچم نادۆزیەمەوە ئەمن لە خۆیچم ون ئەکەی

کاتێک ئەلکی بە دڵمەوە وەک بای بەیان و شنەکەی
هەزار ئەوەندەی تر ئەتۆ من کوشتەی بوونی ژن ئەکەی

کاتێک کە بای شەماڵ دێت و دەر ئەکەوێ گەردنەکەی
هیوا و ئەوین ئەخۆلقێنێ وەک نان پێژ با لە پنەکەی

خۆم و دڵم لە بەر پێت خست کە تۆ نازداری سنەکەی
وەک باخەوانێکی ماندوو پاڵ کەوێ لە بن بنەکەی

ئەتۆ پا لە سەر دڵم ئەنێ وشوێنی پێیەکانت ون ئەکەی
بریا هەر جارێک ئەمزانی بۆچ وا لەو دڵەی من ئەکەی