بـەرەو ڕێژگـەی ئەوینت پێ دەهــاوێم
هـەتا٘ لێـوم لــە دوو لیـ٘وت دەسـاوێم

هــەتا ڕووگـەی ئەوینم چـاوی تۆ بێ
بە سروەی ئەشقی پاکی تـۆ دەلاوێم

بەچینی زوڵفەکەی تۆ من سـەبوورم
کـە من سوڵتـانی سەر یاڵی کەژاوێم

گرێ پوچکەت لە عەشقم دا لـە بۆیە
وەکوو بابردەڵەوپووشی سەراوێم

درەنگانێ دەپرسن: تۆ لە کوێ بووی
بە ناچـــاری دەڵێـم: دایم لــە ڕاوێم

شەوان بەڵکـوو ببینم یــار خــەزاڵم
خــودا ڕوحمی بکا بکەوێــتە داوێم