چەن توغرای کەڵافدویزش نە دووشەن
خام چوی خەیاتەی سیای سەر جووشەن
سەھمناک چوی باڵ بەیداق قووشەن
سەف سەف چوی سپای چاووش چاووشەن
ئاوێزەی گووشەی عەین ئاھووشەن
مەرزەنجان مایل زەوج گیسووشەن
پەی دەستەی زوڵفش نوفل زێخ نووشەن
قیراسا قەتران، مشک ئاسا بووشەن
حەی ئاسا حارس حەوش ئاغووشەن
زەوجێ گووشوارەی تڵاش نە گووشەن
گووشم ژە زلەی زەھەب ئوترووشەن
جناح مونسەرف تاق ئەبرووشەن
نەقشێ نە مابەین ئەبرووش مەنقووشەن
نەسب نەپای حەبەی بەرق ھوەر سووشەن
چوی ھوەر نە خاوەر خەڵق ئارزووشەن
سای زوڵفش سەیوان قبەی لیمووشەن
بڵاتش مەرێ شای تڵاپووشەن
ھندسان خەراج خاڵ ھندووشەن
چین وەو بوزورگی بەھای یەک مووشەن
نە شیرین ھاملەنج، نە لەیلی لووشەن
نە سەوڵ ھامباڵای نمای نووشەن
فەرھادزەدەی زام بێستوین کووشەن
قەیس و نجد مەبھووت ڕووشنای ڕویشەن
ھەر گل نگای ناز نزاکەت خووشەن
بەختم تا خاڵ خاس دویر ژە ئاغووشەن
پەی قەساس قەتڵ من زڕەپووشەن