ئاڵەکۆک

ئەحمەد هەردی add_a_photo
هەردی ڕازی تەنیایی
٣. پەیامی یار
لە یارەوە:
لە شۆخ و شەنگی پارەوە
لە ڕازی ... پڕ نیهانییا
لە تەک شنەی بەیانییا
پەیام لە یاری جوانەوە
گەیشتە لام
***
بەرامەکەی
گوڵاوی باخی نامەکەی
کە ئاوی زیندەگانییە
شەرابی کامەرانییە
گوڵی هیوای ژیانەوە
گوڵی هیوام
***
چ نامەیێ ؟
چ پەنجەیێ، چ خامەیێ ؟
ئەوەندە دڵ ئەکاتەوە؟
خەفەت لە بیر ئەباتەوە،
ئەخاتە ناخی گیانەوە
تەزووی بەتام؟
سلێمانی - ١٩٥٨

پەراوێز edit