مردن لە داغت دڵ پڕ برینم
شەوو ڕۆژ دائیم هەر لە گرینم
بە شەو خەیاڵت کە دێ بە سەرما
بڵێسەی ئاگر وا لە جگەرما
ئەحواڵی قەبر دێتە بەرچاوم
دەجۆشێ دڵ و جەرگ و هەناوم
بڵێسە و گڕە و گریەی دەروونم
قرچەی دڵەکەی زار و زەبوونم
ئاگری عیسیان لە سەرتابەخوار
دەتکێ لە ئەعزام سووتانی یەکجار
نەماوە سەبر و تاقەت و تابم
غەیری ئازار و دەرد و عەزابم
بەو حاڵە مەزڵووم شەو دەباتە سەر
بە سەد موشەقەت جەفا و دەردی سەر