نەماوە شاری بابل، چاهی هارووت
لە کوێ خوێندوویە ئەفسوون، چاوی جادووت
دەڵێی تۆراوە قیبلەی ئاشقانت
کە ئەمڕۆ کەچ بووە میحرابی ئەبرووت
وەکوو مەرجانی ئاڵە ڕەنگی ئەشکم
لە تاو ڕوخساری لەعل و لێوی یاقووت
مەکە مەنعم لە شەهدی لێویی ئاڵت
دەزانی خۆ کە کەس ناژی بە بێ قووت
عەجەب سیڕڕی لە ئەبرۆتا بەیانە
موخالیف پێکەوەن هەم تاق و هەم جووت
وەرە تاهیر مەبەستە دڵ بە دونیا
بە زاهیر جوان و، باتین پیر و فەرتووت