ئاڵەکۆک

مەلا حەسەنی دزڵی add_a_photo
دزڵی دیوانی مەلا حەسەنی دزڵی
٩. جاسوسگای چڕیش ئەو ڕووبە دۆڵە
جاسوسگای چڕیش ئەو ڕوو بە دۆڵە
بۆرە تەماشای زەوق سیاوکۆڵە
جە نشینگاکەی لالۆ ئاغەبرا
ئابۆ نیشەرە ئای تازە برا!
ڕازی من ئینەن پەیت کەروو بەیان
دەردەدار ئاما دەردش کەرد عەیان
هەوام پەی مەڵهەم برین و زامان
بۆی گوڵەچنوور دوکتوری چەمان
پەروەردەی سینەم ڕیشەو ڕیواوی
سەرئێشەو کۆڵنج، کەرا تەدوای
زوڵفانم گیواو دەرمانوو دەردا
ئێستە ڕووت، مەر هەڕ کەروو وە سەردا
واچە چێش کەروو ئیسە بەدبەختم
کێ بۆ، بۆ کەرۆ بەرزەڵنگ سەختم؟
یە کاری خوان بێ قیمەت کەوتم
ئەڵبەت چارەڕەش یاخۆ بەدبەختم!

پەراوێز edit