ئاڵەکۆک

شێخ ڕەزای تاڵەبانی add_a_photo
شێخ ڕەزا دیوانی شێخ ڕەزای تاڵەبانی
٢. خزمینە مەدەن پەنجە لەگەڵ عەشرەتی جافا
خزمینە مەدەن پەنجە لەگەڵ عەشرەتی جافا
مێروولە نەچێ چاکە بە گژ قوللەیی قافا
کێ بێ لە دلێرانی عەشایر کە نەچووبێ
وەک تیری قەزا نووکەڕمی جافی بە نافا
خوێنڕێژ و شەڕەنگێز و عەدوبەند و تەنومەند
کامیان گەنە وەک شێرە لە مەیدانی مەسافا
چونکە ڕەسەنن ورد و درشتیان هەموو جەنگیین
مەی سارییە نەشئەی چ لە دوڕدا چ لە سافا
وا بێ خەم و پەروا دەچنە عەرسەیی هەیجا
تۆ ناچییە سەر دۆشەکی بووکی لە زەفافا
یبغون الى الامر صغاراً و کباراً
یسعون الى الحرب ثقالاً و خفافا
وەسمان بەگیان ئامیرە وەختی کە بڵێ: دەی!
دێنە جەوەلان هەروەکوو حاجی لە تەوافا
خواهم ز خدا آنکه شود دشمن جاهت
کۆتی لە دەسا، دەس لە ملا، مل لە تەنافا
ڕەحمێ بکە با شێخ ڕەزا بێتەوە گوفتار
حەیفە بڕزێ تیغی مجەوهەر لە غیلافا

پەراوێز edit