دانا وە ئەسرار عیجز و نیازم
مەجلیس ئارای بەزم، شای شەکەرڕازم
ئەنیس مەجلیس عەیش و نەشاتم
دەسگیر ڕاگەی هات و نەهاتم
دەلیل وێڵی بیابانەکەم
قاسید پەیام دیدە و گیانەکەم
ئاوییارەکەی سەوزەی ئارەزۆم
دانا وە گردین ڕاز کۆنە و نۆم
تۆ وێنەی بوڵبوڵ مەست هەوای گوڵ
من چون بادە مەس چەنی سەودای دڵ
نییەن حەکیمێ دەوایێ کەرۆ
یا وە نەوایێ خەمان لابەرۆ
ئومێدم بە تۆن فەریادڕەسیم کەر
بۆ نە گێج غەم باوەڕم وە بەر
ئەر ناری تەشریف ئینە ها مەردم
داخ باڵای تۆ وە گڵکۆ بەردم