ئاخ فەڵەک جە دەس کەچ ڕەفتاریی تۆ
داد نە چەپگەردی و دڵ ئازاریی تۆ
هەر سات ئەساسەی دەردێ مەسازی
هەر ڕۆ بە ڕەنگێ نەردێ مەبازی
من خۆ تاڵە شووم خەستەی زام خەتەر
زەردەی خەدەنگان هیجران دڵبەر
دیدە پڕ ئەسرین، دەروون پڕ جە تەم
کەفتەن نە ڕووی تەوق بەندیخانەی خەم
دڵ ئالوودەی هوون، تەن بارکێش دەرد
زوان لەنگ و لاڵ، ڕەنگ خەزان زەرد
تۆ بەو بێڕەحمی ئازیزیچ وەی مەیل
دڵەی کۆس کەفتەی منیچ جە هوون کەیل
سا با ڕەحمەت بۆ چەواشەی بەدخۆ
تۆیچ چەرخت چون وەسڵ ئازیز کۆتا بۆ