هەرچگ فێشتر و فەرەتر
خوەم دسپارمە دەس سروەێ زانین
ڤەردەۊ داێە، ڤە ڤێنەێ زڵف‌پەرێشانیی دارین!
ئۊ ستار، دەناو ناخ و دەرینم قیل‌تر دنیشێ
جوور ڤەچڕ 'کۊستان'، ئەڵ چەق قورسیی شێعر 'گەریلا'.
هۊر ڤە ئازادی دکەرم؛
سێفستانێ دەناو دڵم گوڵ دکەرێ و
هەنگێ، ئەڵ تیەڵیی ڕووژگار هەنگوین دپرژنێ.
هۊر لە مرۆڤ دکەم؛
ئەڵ سەر و سەکوت گرد گەردوون
ــ ک ئەژ دەروەچ هۊرشەێ ئێمە، تەماشاێ خوەێ دکەێ ــ
زەردەخەنەێگ نەخش دبەسێ.
هەرچگ فێشتر و فەرەتر
خوەم دسپارمە دەس ئافتاو زانسن
ئۊ سێف، د ناو ئاینەێ گیانم فرەوا دووێ.
خوەم دسپارمە دەس سروەێ زانین
ڤەردەۊ داێە، ڤە ڤێنەێ زڵف‌پەرێشانیی دارین!
ئۊ ستار، دەناو ناخ و دەرینم قیل‌تر دنیشێ
جوور ڤەچڕ 'کۊستان'، ئەڵ چەق قورسیی شێعر 'گەریلا'.
هۊر ڤە ئازادی دکەرم؛
سێفستانێ دەناو دڵم گوڵ دکەرێ و
هەنگێ، ئەڵ تیەڵیی ڕووژگار هەنگوین دپرژنێ.
هۊر لە مرۆڤ دکەم؛
ئەڵ سەر و سەکوت گرد گەردوون
ــ ک ئەژ دەروەچ هۊرشەێ ئێمە، تەماشاێ خوەێ دکەێ ــ
زەردەخەنەێگ نەخش دبەسێ.
هەرچگ فێشتر و فەرەتر
خوەم دسپارمە دەس ئافتاو زانسن
ئۊ سێف، د ناو ئاینەێ گیانم فرەوا دووێ.