گەر ئێوە نەبن ئێمەش هەر نابین
گەر ئێوە نەبن خاوەنی هیچ نابین؟
گەر ئێوە نەبن خەندە و خۆشی نابن
گەر ئێوە نەبن گەڕان و سەیران نابن
گەر ئێوە نەبن چاومان دەردێنن
گەر ئێوە نەبن لە بنمام دێنن
گەر ئێوە نەبن خاوەن دایک و باوک نین
گەر ئێوە نەبن خاوەنی خوشک و برا نین
گەر ئێوە نەبن خاوەنی کوڕ و کچ نین
گەر ئێوە نەبن خاوەنی مام و خاڵ نین
گەر ئێوە نەبن شکۆی چەن ساڵەمان ناهێڵن؟
گەر ئێوە نەبن چاوەڕوانی دوا ڕۆژمان لێڵن
گەر ئێوە نەبن بەنوێژی نیوەڕۆ تاڵانمان دەکەن
گەر ئێوە نەبن سەرمان لە لاشە جیا دەکەن
گەر ئێوە نەبن ماڵمان وێران و بە فیرۆ ئەدەن
گەر ئێوە نەبن سەرو ماڵمان بۆ خۆیان دەبەن
ئێوە پێشمەرگە و گەریلا و شەڕەڤانن
ئێوە ڕزگارکەری نیشتمان و کوردستانن
ئێوە قارەمانن بەرامبەر دوژمن
ئێوە قەڵغانن بۆ سنگی دوژمن
ئێوە شۆرە سوار و بەرخودانن
ئێوە زیندوو کەرەوەی ژیانن
ئێوە نەمرن و هەر بە نەمری ئەمێنن
گیان لە سەر دەستن هیچ ڕانامێنن؟
هەر ئێوەن و هەر ئێوەش ئەبن
پاسەوانی خاک و سنوور ئەبن
ئێوە سمبولی نەتەوە و خاکن
ئێوە مرۆڤانی دڵسۆز و پاکن
ئێوە بۆ گەلتان بوونە قوربانی
گەلیش بەو قوربانیەتان ئەزانی
ناوتان لە مێژوو تۆمار کراوە
لە پێناو میللەت گیانتان داناوە
با گیانتان شاد و هەم ئاسودە بێ
دروود بۆ گیانتان هەمیشە ئارام بێ