هاوین
من وەرزی هاوینم بۆیە خۆشەوێ
تیشکی خۆری ئێمەی تیا دەرەکەوێ
ساردی زستان و کڕێوەم بیر ئەباتەوە
دوای ئەو وەرزی خەزانم دێتە جێ

پایز
لە وەرزی پایزدا گەڵا ئەوەرێ
خەزانی ئەم وەرزە لێمان ناگەڕێ
بۆ ئێمە وەرزەکان هەموان خەزانە
چارەنوسی گەلەکەم بەباش ناگەڕێ

زستان
زستانیش وەرزێ کڕێوەو سەهۆڵ بەندانە
خۆزگەکانمان ڕەشبەڵەکە و خەنە بەندانە
بە هیوام سەختیەکانمان هەموی تێپەڕێ
بۆ ئێمە ئێستا کاتی خۆشییە هەم سەیرانە

بەهار
بەهار خۆی ئەڕازێنێتەوە بەشاد و مانی
ڕۆژ ڕۆژی کوردە با هەموو دنیا بزانی
خۆزگە لەم وەرزەیا خۆرمان هەڵە هات
لەگەڵ ڕزگاری ئاشتی ئازادی و یەکسانی

خۆزگە چوار وەرزی ساڵمان خۆشی بایە
لە جێگەی خەزان خەندە و پێکەنین بایە
لە هەر وەرزێکا خۆرمان پرشنگدار ئەبوو
گشت هیوا و ئاواتمان بۆ خۆمان بوایە