قاڵاوێک هاتە دەوری ماڵان، ئاخۆ شتێک هەبێ بیبا بە تاڵان
هات چاوی کەوتە سەلکێ پەنیر، بۆی کێشا پیلان و تەکبیر
پەنیرەی دزی و چۆ سەر دارێ هەڵنیشت، دەو کاتەی دا رێویەک رابرد لە تەنیشت
چاوی کەوتە پەنیر و تەماحی رێنیشت
بۆ قاڵاوی گوت دو شێعرو مەقام چۆن دە زاری گەڕابو چێژ و تام
: سەلام ئەی چاو رەشی برۆ کەوان، تۆ گەلێ جوانتری لە کەوان!
تۆ زۆر شیاوی بۆ سەرۆک، بەڵام داخەکەم دەنگی ناخۆشت گرتویی بەرۆک
قەلە ویستی بیسەلمێنێ کە دەنگی خۆشە هەر زاری کردەوە، سەلکە پەنیرەی لێکەوتە خوارەوە!
رێوی خێرا پەنیرەی پڕدایەو گوتی: بۆ سەرۆک بون پێویستە بڕێکیش ئاقل و فام!
بەبێ ئاقڵی لە پەنیریش ناکەی تام.