شاعیر: جەلال مەلەکشا
کتێب: شیعرەکان
سەرناو: سزای دڵداری
سەبارەت: ٧/٨/٦٤ - نووسین: حەمەی لەیلا

زات ناکەم رازی دڵ بدرکێنم
سەگی ئەم شاره
لانگیره، بۆنی دڵ و دەم ئەکا
سەگی ئەم شاره
نەک تەنیا گۆشت و ئێسک و خوێنی دڵ
تەنانەت شیعر و گۆرانی ئەخوا
زات ناکەم بڵێم
چەندم خۆش ئەوێی
زیتەی چاوی گورگ
لەم گورگه ناوه
زات ئەتۆقێنێ
له سەرانسەر ئەم وەرزه تاڵ و زەرد و ژاکاوه
بۆ حەشاردانی گوڵی هەستی خۆم
شک نابەم شوێنێ
زات ناکەم رازی دڵ بدرکێنم

++++++++++++++++++++++