شاعیر: ئەحمەد شاڵی کتێب: وەرگێڕانی چوارینەکانی خەییام سەرناو: کاتێ کۆڕتان بەست یارانی گیانی کاتێ کۆڕتان بەست یارانی گیانی مەجلس گەرم بوو بە شادومانی ساقی کە بادەی گولگونی هانی بە دوعا یادکەن هاوڕێ فڵانی یاران، چو به اتفاق میعاد کنید خود را به جمال یکدگر شاد کنید ساقی چو می مغانه در کف گیرد بیچاره فلان را به دعا یاد کنید ++++++++++++++++++++++ سەرناو: ئەم شەو پیاڵەی مەی تەواو پڕ ئەکەم ئەم شەو پیاڵەی مەی تەواو پڕ ئەکەم خۆم بە پێکێ دووان مەست و شڕ ئەکەم هەرسێ تەڵاقی عەقڵ و دین ئەدەم ئەوسا کچی ڕەز مارە بڕ ئەکەم امشب می جام یک منی خواهم‌کرد خود را به دو جام می غنی خواهم‌کرد اول سه طلاق عقل و دین خواهم‌داد پس دختر رز را به زنی خواهم‌کرد ++++++++++++++++++++++ سەرناو: گەر ئەبووم بە خواو خاوەنی جیهان گەر ئەبووم بە خواو خاوەنی جیهان هەمووم سەر تا پا تەخت ئەکرد وێران ئەوسا بە چەشنێ نوێم ئەکردەوە ئازاد بە کامی دڵ بگەیت ئاسان گر بر فلکم دست بدی چون یزدان برداشتمی من این فلک را ز میان از نو فلکی دگر چنان ساختمی کازاده بکام دل رسیدی آسان ++++++++++++++++++++++ سەرناو: بە گوێما فەلەک هێواش چرپاندی بە گوێما فەلەک هێواش چرپاندی تۆ حکمی قەدەر لە من ئەزانی ئەم گێژو خولەم بەدەست خۆم بوایە خۆم ڕزگار ئەکرد لە سەرگەردانی در گوش دلم گفت فلک پنهانی حکمی که قضا بود ز من میدانی در گردش خویش اگر مرا دست بدی خود را برهاندمی ز سرگردانی ++++++++++++++++++++++ سەرناو: مادام سبەینێ هەر ئەڕۆی ناچار مادام سبەینێ هەر ئەڕۆی ناچار ئەمڕۆ دڵ خۆش کە لە بەندی ئازار تا مانگەشەوە مەی بخۆ کەمانگ شەوگار شەق ئەکا بێ تۆ گەلێ جار چون عهده نمی‌شود کسی فردا را حالی خوش دار این دل پر سودا را می نوش به ماهتاب ای ماه که ماه بسیار بتابد و نیابد ما را ++++++++++++++++++++++ سەرناو: کاتێ وەنەوشە شین و خاڵ خاڵە کاتێ وەنەوشە شین و خاڵ خاڵە شەماڵ شەن ئەکا چاکی گوڵاڵە هۆشیار کەسێکە دەس لە ملانی یار شەراب ئەنۆشێ ئەشکێنی پیاڵە هر گه که بنفشه جامه در رنگ زند در دامن گل باد صبا چنگ زند هشیار کسی بود که، با سیمبری می نوشد و جام باده بر سنگ زند ++++++++++++++++++++++ سەرناو: حەیف ڕۆژانی جوانیم بەسەر چوو حەیف ڕۆژانی جوانیم بەسەر چوو بەهاری تازەی ژینم ووشک بوو ئەو باڵندەیەی کە گەنجی ناو بوو هاوار نازانم کەی هاتوو کەی چوو افسوس که نامه جوانی طی شد و آن تازه بهار زندگانی دی شد آن مرغ طرب که نام او بود شباب افسوس ندانم که کی آمد کی شد ++++++++++++++++++++++ سەرناو: هاکا کاروانی ژیان تێپەڕ بوو هاکا کاروانی ژیان تێپەڕ بوو کوڕ گەل با کۆڕێ ببەستین هەموو ساقی، تۆش غەمی بەیانی مەخۆ مەی تێکە، زوو بە، شەومان بەسەرچوو این قافله عمر عجب میگذرد دریاب دمی که با طرب میگذرد ساقی غم فردای حریفان چه خوری پیش آر پیاله را که شب میگذرد ++++++++++++++++++++++ سەرناو: لە مەی، گەر تۆبە، بکەی نادانی لە مەی، گەر تۆبە، بکەی نادانی سەد تۆبە بکەی، هەر پەشیمانی گوڵ یەخەی دڕا بولبول ناڵانی جا تۆ چۆن تۆبە، بە حەق ئەزانی توبه مکن از می اگر می باشد صد توبه نادمانه در پی باشد گل جامه‌دران بلبل نعره‌زنان در وقت چنین توبه روا کی باشد ++++++++++++++++++++++ سەرناو: ئەم گۆزەش وەک من کوشتەی یارێ بوو ئەم گۆزەش وەک من کوشتەی یارێ بوو گیرۆدەی داوی چاو بە خومارێ بوو ئەو قوڵفەش کەوا لە گەر دنیایە دەستێک بوو لە مل شەدەلارێ بوو این کوزه چو من عاشق زاری بوده‌است در بند سر زلف نگاری بوده‌ست این دسته که بر گردن او می‌بینی دستی‌ست که بر گردن یاره بوده‌ست ++++++++++++++++++++++ سەرناو: دڵ نوێژو ڕۆژوو بردی بە تاڵان دڵ نوێژو ڕۆژوو بردی بە تاڵان ووتم سەد شوکر کە بوو ڕزگارمان کەچی بە بایەک دەست نوێژ بوو بەتاڵ قومێ مەی تەقەی لە ڕۆژوو هەڵسان طبعم به نماز و روزه چون مایل شد گفتم که مراد کلیم حاصل شد افسوس که این وضو به بادی بشکست و آن روزه به نیم جرعه می باطل شد ++++++++++++++++++++++ سەرناو: لێوم نایە سەر لێوی شوشەی مەی لێوم نایە سەر لێوی شوشەی مەی لێی پاڕامەوە عومرم درێژکەی دەم لەناو دەم بوین چرپانی فەرموی مەی بخۆ کۆچی هێجگاری ئەکەی لب بر لب کوزه بردم از غایت آز تا زو طلبم واسطه‌ی عمر دراز لب بر لب من نهاد و می‌گفت به راز می خور، که بدین جهان نمی‌آیی باز ++++++++++++++++++++++ سەرناو: بە شەراب بمشۆن ئەوسا بمنێژن بە شەراب بمشۆن ئەوسا بمنێژن چەند سەرخۆشێکیش تەلقینم بێژن گەر لە حەشریشدا بە دوما گێژن خاکی مەیخانەم لە دوو ببێژن چون درگذرم به باده شویید مرا تلقین ز شراب ناب گویید مرا خواهید به روز حشر یابید مرا از خاک در میکده جویید مرا ++++++++++++++++++++++ سەرناو: ئۆخەی بۆ دڵێ، عاشق پەرێشان ئۆخەی بۆ دڵێ، عاشق پەرێشان هەردەم نازدارێ، نەیبا بە تاڵان قەت حساب ناکەم ڕۆژێ لە ژیان نەمژم، نەکرۆژم، جووتێ لێوی جوان ای وای بر آن دل که در او سوزی نیست سودا زده‌ی مهر دل افروزی نیست روزی که تو بی عشق به سر خواهی برد ضایع‌تر از آن روز ترا روزی نیست ++++++++++++++++++++++ سەرناو: پێم دەڵێن مانگی ڕەمەزان واهات پێم دەڵێن مانگی ڕەمەزان واهات ئیتر ناتوانێ دەم لە مەی بدات من لە شەعبانا هێندە مەی ئەخۆم سەرخۆش بکەوم تا جەژنیش ئەڕوات گویند که ماه رمضان گشت پدید من بعد به گرد باده نتوان گردید در آخر شعبان بخورم چندان می کاندر رمضان مست بیفتم تا عید ++++++++++++++++++++++ سەرناو: ئەوانەی دەریای هۆش و هونەر بوون ئەوانەی دەریای هۆش و هونەر بوون ڕوناکی ڕێگای خۆشی بەشەر بوون سەریان دەرنەکرد لەم شەوە زەنگە ووڕێنەیەکیان کرد و تێپەڕ بوون آنانکه محیط فضل و آداب شدند در جمع کمال شمع اصحاب شدند ره زین شب تاریک نبردند برون گفتند فسانه‌ای و در خواب شدند ++++++++++++++++++++++ سەرناو: کاتێ دوا گوڵی عومرم ووشک ئەبێ کاتێ دوا گوڵی عومرم ووشک ئەبێ ئەندامی جەستەم لەبەر یەک دەربێ ئەگەر خاکەکەم بەکاسەی مەی بێ هەر پڕ مەی کرام هەلئەسمە سەر پێ آنگه که نهال عمر من کنده شود و اجزام ز یکدگر پراکنده شود گر زان‌ که صراحیی کُنند از گِل من، حالی که ز باده پُر کنی زنده شود ++++++++++++++++++++++ سەرناو: شەونم وەنەوشە بۆیە پاڵ ئەخا شەونم وەنەوشە بۆیە پاڵ ئەخا ئەو لەشە ڕوتەی بەر شەماڵ ئەخا گوڵخونچە بۆیە سەر بەرزە دایم سەرپۆشی شەرم سەر ڕوی ئاڵ ئەخا هر صبح که روی لاله شبنم گیرد بالای بنفشه در چمن خم گیرد انصاف مرا ز غنچه خوش می‌آید کو دامن خویشتن فراهم گیرد ++++++++++++++++++++++ سەرناو: ئەڵێن بەهەشتەو حۆری چاو کەژاڵ ئەڵێن بەهەشتەو حۆری چاو کەژاڵ شیرەو هەنگەوینە و شەرابێکی ئاڵ من باکم چی بێ کە لێرە هەم بێ مەی و یارێکی تەڕی چواردەساڵ گویند بهشت و حور عین خواهد بود آنجا می و شیر و انگبین خواهد بود گر ما می و معشوق گزیدیم رواست چون عاقبت کار چنین خواهد بود ++++++++++++++++++++++ سەرناو: لەم ژینە ناگەین هەرگیز من و تۆ لەم ژینە ناگەین هەرگیز من و تۆ ئاڵۆسکاوە پیس تاڵ و تانە و پۆ لە پشت پەردەوە ئەکەین گفتوگۆ کە پەردە لاچوو شیوەنە و ڕۆڕۆ اسرار ازل را نه تو دانی و نه من وین حرف معما نه تو خوانی و نه من هست از پس پرده گفتگوی من و تو چون پرده در افتد نه تو مانی و نه من ++++++++++++++++++++++ سەرناو: خوا کە خوڵقانی سروشتی ئینسان خوا کە خوڵقانی سروشتی ئینسان بۆچی کەم و کورت ناڕێکی خوڵقان خۆ ئەگەر باشە بۆچ مان و نەمان گەر خراپیشە لە کێ بوو تاوان؟ دارنده چو ترکیب طبایع آراست از بهر چه او فکندش اندر کم و کاست گر نیک آمد شکستن از بهر چه بود ور نیک نیامد این صور عیب کراست ++++++++++++++++++++++ سەرناو: یا شێخ هەرچەندە تەواو سەرخۆشین یا شێخ هەرچەندە تەواو سەرخۆشین هێشتا هەر لە تۆ زیاتر بە هۆشین خوێنی خەڵق ئەخۆیت ئێمە خوێنی ڕەز پێم بڵێ کاممان خوێناو ئەنۆشین ای مفتی شهر از تو پرکار تریم با این همه مستی ز تو هشیار تریم تو خون کسان خوری و ما خون رزان انصاف بده کدام خون‌خوار تریم ++++++++++++++++++++++ سەرناو: حەیرانە بەشەر لە شێوەی جوانی حەیرانە بەشەر لە شێوەی جوانی سەد جار دڵ ئەکا خۆی بە قوربانی ئەم گۆزە کەری دەهر ئەو جوانە ئەبینی وەک شێت لە پڕ شکانی جامی است که عقل‌آفرین میزندش صد بوسه ز مهر بر جبین میزندش این کوزه‌گر دهر چنین جام لطیف می‌سازد و باز بر زمین میزندش ++++++++++++++++++++++ سەرناو: لە جەرگەی زەوی تا لووتکەی زوحەل لە جەرگەی زەوی تا لووتکەی زوحەل یەک یەک نهێنی دنیام کردۆ حەل هەر مەکرو فێڵ و گرێ کوێرەیەک هەمووم کردەوە، ما گرێی ئەجەل از جرم گل سیاه تا اوج زحل کردم همه مشکلات عالم را حل بیرون جستم ز بند مکر و حیل هر بند گشاده شد مگر بند اجل ++++++++++++++++++++++ سەرناو: لای گۆزەکەرێ وەستام بە پەرۆش لای گۆزەکەرێ وەستام بە پەرۆش هەزار گۆزەم دی به هۆش و بێ هۆش گۆزەیەک لە پڕ قیژانی ووتی گۆزەکەر کوانێ؟ کوا گۆزەفرۆش در کارگه کوزه‌گری رفتم دوش دیدم دو هزار کوزه گویا و خموش ناگاه یکی کوزه برآورد خروش کو کوزه‌گر و کوزه‌خر و کوزه‌فروش ++++++++++++++++++++++ سەرناو: هەور هاتو گریا دیسان بەهارە هەور هاتو گریا دیسان بەهارە وەرە سەرخۆش بین لەم سەوزەزارە ئاخۆ سەوزەگیای سەرگۆڕی ئێمە سبەی سەیرانگای کام هەرزەکاری ابر آمد و باز بر سر سبزه گریست بی باده‌ی گلرنگ نمی‌باید زیست این سبزه که امروز تماشاگه ماست تا سبزه‌ی خاک ما تماشاگه کیست ++++++++++++++++++++++ سەرناو: کافرم بێ دین کوانێ ڕەزای تۆ؟ کافرم بێ دین کوانێ ڕەزای تۆ؟ دڵ ڕەشم کوانێ تیشکی چرای تۆ؟ تۆ ئەگەر بە نوێژ بەهەشتم بەیتێ ئەوە کڕینە کوانێ سەخای تۆ؟ من بنده‌ی عاصیم رضای تو کجاست تاریک دلم نور و صفای تو کجاست ما را تو بهشت اگر به طاعت بخشی این بیع بود لطف و عطای تو کجاست ++++++++++++++++++++++ سەرناو: کەوتمە دنیاوە گێژو سەر گەردان کەوتمە دنیاوە گێژو سەر گەردان لە ژین چیم نەدی غەیری سەرسوڕمان بە زۆریش ئەڕۆم ئەمرم نازانم لەم هاتو چوونەم چی بو مەبەستیان آورد به اضطرارم اول به وجود، جز حیرتم از حیات چیزی نفزود، رفتیم به اکراه و ندانیم چه بود زین آمدن و بودن و رفتن مقصود! ++++++++++++++++++++++ سەرناو: چومە گوزەری گۆزەفرۆشان چومە گوزەری گۆزەفرۆشان لە قوڕ ئەیانکرد هەزار گۆزەی جوان خەڵکە کوێر نەبووم بە چاوی خۆم دیم کەللەی باپیرمە قوڵفی گۆزەکان بر کوزه‌گری پریر کردم گذری، از خاک همی‌نمود هر دَم هنری؛ من دیدم اگر ندید هر بی‌بصری، خاک پدرم در کف هر کوزه‌گری. ++++++++++++++++++++++ سەرناو: ئەڵێن خوا پەرست گەر مرد بە ئیمان سەبارەت: نووسین: ناشناس ئەڵێن خوا پەرست گەر مرد بە ئیمان له و دنیاش نزیک بە بارەگای خوان ئیمه و مەی و یار دایم پێکەوەین بەڵکو له و دنیاش هەر وابین دیسان گویند هر آن کسان که با پرهیزند زانسان که بمیرند چنان برخیزند ما با می و معشوقه از آنیم مدام باشد که به حشرمان چنان انگیزند ++++++++++++++++++++++ سەرناو: ڕێگای هاتوچۆم ئەتەنێ بەداو سەبارەت: نووسین: ناشناس ڕێگای هاتوچۆم ئەتەنێ بە داو بە خەتاو گوناهـ بە تەفرەی ڕازاو هەزاران پەندم بەسەر ئەهێنێ تاوان لە تۆیە و من عاصی و بەدناو بر رهگذرم هزار جا دام نهی گویی بگیرمت اگر گام نهی یک ذره ز حکم تو جهان خالی نیست! حکمم تو کنی و عاصیم نام نهی؟ «اوحدالدین کرمانی» ++++++++++++++++++++++ سەرناو: وەک ئاو لە دەریا، لە دەشت (با) ڕۆیی سەبارەت: نووسین: ناشناس وەک ئاو لە دەریا، لە دەشت (با) ڕۆیی ڕۆژێکی تریش لە ژین وا ڕۆیی نەکەن قەت غەمی دوو ڕۆژ هەڵگری ڕۆژێک نەهاتوو ڕۆژێک وا ڕۆیی این یک دو سه روز نوبت عمر گذشت چون آب به جویبار و چون باد به دشت هرگز غم دو روز مرا یاد نگشت روزی که نیامده‌ست و روزی که گذشت ++++++++++++++++++++++ سەرناو: لە مەیخانە بین پەنا بەرم بۆت سەبارەت: نووسین: ناشناس لە مەیخانە بین پەنا بەرم بۆت خێرترە بێ تۆ نوێژ کەم لە مزگەوت ئەوەڵ و ئاخر هەر خۆت حسابی بەهەشت یا دۆزەخ سەرپشکی بۆ خۆت با تو به خرابات اگر گویم راز به زانکه به محراب کنم بی تو نماز ای اول و ای آخر خلقان همه تو خواهی تو مرا بسوز و خواهی بنواز ++++++++++++++++++++++ سەرناو: لە ڕۆژی ئەزەل کە دروست کرام سەبارەت: نووسین: کەماڵ ڕەحمانی لە ڕۆژی ئەزەل کە دروست کرام دەرسی سەرخۆشی و عەشق دادرام ئەوسا کە تەواو قاڵ بووم و سوام بە خوای سەرخۆشی و عەشق ناو برام چون جود ازل بودِ مرا انشا کرد بر من ز نخست درس عشق املا کرد آنگاه قراضه ریزهٔ قلب مرا مفتاح در خزاین معنا کرد ++++++++++++++++++++++ سەرناو: لە زانست هەرگیز من دوا نەکەوتووم سەبارەت: نووسین: کەماڵ ڕەحمانی لە زانست هەرگیز من دوا نەکەوتووم نهێنی دنیام زۆری کرد مەعلووم حەفتاودوو ساڵی ڕەبەق خەریک بووم ئەوسا حاڵی بووم هیچ حاڵی نەبووم هرگز دل من ز علم محروم نشد کم ماند ز اسرار که معلوم نشد هفتاد و دو سال فکر کردم شب و روز معلومم شد که هیچ معلوم نشد ++++++++++++++++++++++ سەرناو: ئەو ڕۆژە ئەسپی فەلەک زین کرا سەبارەت: نووسین: کەماڵ ڕەحمانی ئەو ڕۆژە ئەسپی فەلەک زین کرا مشتەری و پەروین ڕێکوپێک خرا ئەوە بەشمان بوو کە هەر سەرخۆش بین گوناهمان چی بوو وامان پێ بڕا آن روز که مرکب فلک زین کردند آرایش مشتری و پروین کردند این بود نصیب ما زدیوان قضا ما را چه گنه قسمت ما این کردند «مهستی گنجوی» ++++++++++++++++++++++ سەرناو: ئەی چەرخ کردەوەی پیست وەهایە سەبارەت: نووسین: کەماڵ ڕەحمانی ئەی چەرخ کردەوەی پیست وەهایە کوشتن و بڕین لای تۆ ڕەوایە گەر بدڕین جەرگی خاکی دەروون ڕەش ئای کە گەوهەری نایابی تیایە ای چرخ فلک خرابی از کینه تست بیدادگری شیوه دیرینه تست ای خاک اگر سینه تو بشکافند بس گوهر قیمتی که در سینه تست ++++++++++++++++++++++ سەرناو: ئەی دڵ کە دنیا پیشەی نەمانە سەبارەت: نووسین: کەماڵ ڕەحمانی ئەی دڵ کە دنیا پیشەی نەمانە بۆچی ئەم هەوڵ و ڕەنجە گرانە غەم لەسەر دڵت هەرگیز بار مەکە چارەنوس چی بێ ئەیکا زەمانە ای دل چو حقیقتِ جهان هست مَجاز، چندین چه بَری خواری ازین رنجِ دراز! تن را به قضا سپار و با درد بساز، کاین رفته قلم زِ بهرِ تو ناید باز. ++++++++++++++++++++++ سەرناو: هەرچەند شیرینە ڕەنگ و شێوەمان سەبارەت: نووسین: کەماڵ ڕەحمانی هەرچەند شیرینە ڕەنگ و شێوەمان چاوڕەش، ڕوومەت گەش، باڵابەرز و جوان لەگەڵ ئەوەشا مامۆستای ژیان خۆشی نازانێ بۆ ئێمەی خوڵقان هر چند که رنگ و بوی زیباست مرا چون لاله رخ و چو سرو بالاست مرا معلوم نشد که در طربخانه خاک نقاش ازل بهر چه آراست مرا ++++++++++++++++++++++ سەرناو: چاکه و خراپە پیشەی بەشەرە سەبارەت: نووسین: کەماڵ ڕەحمانی چاکه و خراپە پیشەی بەشەرە خۆشی و ناخۆشیش قەزا و قەدەرە گلەیی مەکە تۆ لە زەمانە وەک تۆ زەلیلە ئەو قوڕ بەسەرە نیکی و بدی که در نهادِ بشر است، شادی و غمی که در قضا و قدر است، با چرخ مکن حواله کاندر رَهِ عقل، چرخ از تو هزار بار بیچاره‌تر است. ++++++++++++++++++++++ سەرناو: ساتوبی خوا بگە فریای دڵ ساتوبی خوا بگە فریای دڵ هەی ناسک بەدەن، شیرین‌تر لە گوڵ تا گۆزەیەک مەی بخۆین بەر لەوەی بە گۆزە بکرێین، بچینە ژێر گڵ برخیز و بیا بتا برای دل ما حل کن به جمال خویشتن مشکل ما یک کوزه شراب تا بهم نوش کنیم زان پیش که کوزه‌ها کنند از گل ما ++++++++++++++++++++++ سەرناو: پێش ئێستا نیشان بووەو نوسراوە پێش ئێستا نیشان بووەو نوسراوە چاک بیت یان خراپ بۆت دانراوە چارەنوس چی بێ هەر ئەوە ئەبێ خۆت بکوژی ببڕی سودی نەماوە زین پیش نشان بودنی‌ها بوده‌است، پیوسته قلم ز نیک و بد فرسوده‌است؛ تقدیر ترا هر آن‌چه بایست بداد، غم خوردن و کوشیدن ما بیهوده‌است ++++++++++++++++++++++ سەرناو: تاکەی خۆ پەرست لە پێناوی ژین تاکەی خۆ پەرست لە پێناوی ژین هەر غەمی بوون و نەبوون بچێژین سەرخۆش بە عومرێ ئەنجامی گڵ بێ چاکە بە مەستی، یا خەو، بیکوژین عمرت تا کی به خودپرستی گذرد یا در پی نیستی و هستی گذرد می نوش که عمریکه اجل در پی اوست آن به که به خواب یا به مستی گذرد ++++++++++++++++++++++ سەرناو: پلاری زەمان داویتە پێش خۆ پلاری زەمان داویتە پێش خۆ ئەتبا و ئەت هێنێ بێ قڕە بڕۆ ئەو کەسەی کەتۆی وا بەم دەردە برد ئەو ئەزانێت و ئەو ئەی زانێ بۆ ای رفته به چوگان قضا همچون گو چپ می خور و راست میرو و هیچ مگو کانکس که تو را فکند اندر تک و پو او داند و او داند و او داند و او ++++++++++++++++++++++ سەرناو: یەک جام لەشەراب دێنێ دڵ و دین یەک جام لەشەراب دێنێ دڵ و دین یەک قومی دێنێ هەموو موڵکی چین بە غەیری شەراب نیە لە گەردون تاڵێک ببزوێنێ سەد گیانی شیرین یک جام شراب صد دل و دین ارزد یک جرعه می مملکت چین ارزد جز باده لعل نیست در روی زمین تلخی که هزار جان شیرین ارزد ++++++++++++++++++++++ سەرناو: بوکە شووشەین و فەلەک وەک مناڵ بوکە شووشەین و فەلەک وەک مناڵ پێمان تەخت ئەکا ئارەزوو و خەیاڵ ڕۆژێک دوو سەما ئەکەین و دوایی گەزێ دوان کفنەو یەک دوو گەزیش چاڵ ما لعبتگانیم و فلک لعبت‌باز، از روی حقیقتی نە از روی مجاز؛ یک چند درین بساط بازی کردیم، رفتیم به صندوق عدم یک‌یک باز! ++++++++++++++++++++++ سەرناو: گەر لە بەهارا کچێکی چاو مەست گەر لە بەهارا کچێکی چاو مەست بیکا بە دەمتا یەک دوو پێکی خەست خەڵکی بابڵێن لە سەگ کەمتر بم بەهەشت ناو بەرم و قەت ببم دەربەست در فصل بهار اگر بتی حور سرشت یک ساغر می دهد مرا بر لب کشت هر چند به نزد عامه این باشد زشت سگ به ز من است اگر برم نام بهشت ++++++++++++++++++++++ سەرناو: لەم وێرانەی کۆن چەرخی زەمانە لەم وێرانەی کۆن چەرخی زەمانە مەی بخۆ دنیا دەوران دەورانە نۆبەت گەیشتێ ئاخ و ئۆف مەکە هەمومان بەشەق ئەکەن ڕەوانە در دایره سپهر ناپیدا غور جامی‌ست که جمله را چشانند بدور نوبت چو به دور تو رسد آه مکن می نوش به خوشدلی که دور است نه جور ++++++++++++++++++++++ سەرناو: شەماڵ داوێنی گوڵی دادڕان شەماڵ داوێنی گوڵی دادڕان بلبل لە ناو گوڵ کەوتۆتە فغان لە ژێر سێبەری گوڵانا تاوێ دانیشە زۆر جار ئەڕۆی لە خاکما بنگر ز صبا دامن گل چاک شده بلبل ز جمال گل طربناک شده در سایه گل نشین که بسیار این گل در خاک فرو ریزد و ما خاک شده ++++++++++++++++++++++ سەرناو: خەیام سەرخۆش بوی بە کەیف و جۆش بە خەیام سەرخۆش بوی بە کەیف و جۆش بە لە خزمەت یارا خۆش بەو بەهۆش بە دنیای بێ وەفا کە هەر نەماوە وەک هەی هەمیشە مەست و دڵ خۆش بە خیام اگر ز باده مستی خوش باش با ماه رخی اگر نشستی خوش باش چون عاقبت هستی ما نیستی است انگار که نیستی چون هستی خوش باش ++++++++++++++++++++++ سەرناو: لەگەڵ نازداری جوانی شل و مل لەگەڵ نازداری جوانی شل و مل سەرخۆش بوی بیکە سەد ماچی بەدڵ بەر ئەوەی بدڕێ ڕەشە بای ئەجەل کراسی عومرت وەک داوێنی گوڵ با سرو قدی تازه‌تر از خرمن گل از دست منه جام می و دامن گل زان پیش که ناگه شود از باد اجل پیراهن عمر ما چو پیراهن گل ++++++++++++++++++++++ سەرناو: ئەی دڵ فەلسەفەی دنیا بەتاڵە ئەی دڵ فەلسەفەی دنیا بەتاڵە هۆگری یار بەو ئەم مەیە تاڵە بەر لەوەی رۆژگار خوێنت برێژێ تۆ خوێنی شووشە بڕێژە پیاڵە از درس علوم جمله بگریزی به و اندر سر زلف دلبر آویزی به ز آن پیش که روزگار خونت ریزد تو خون قنینه در قدح ریزی به ++++++++++++++++++++++ سەرناو: هاودەمی مەی بە، خەزنەی مەحموودە هاودەمی مەی بە، خەزنەی مەحموودە لە نای گوێ بگرە نەغمەی داوودە قەت خەمی دوێنێ و سبەینێ مەخۆ ئەمڕۆ خۆش بژی باقی بێ سودە با باده نشین که ملک محمود اینست وز چنگ شنو که لحن داود اینست از نامده و رفته دگر یاد مکن خوش باش که از وجود مقصود اینست ++++++++++++++++++++++ سەرناو: بە بادە دەردی دڵت بەبادە بە بادە دەردی دڵت بەبادە عومری بێ بادە هیچە بەر بادە مەڵێ حەرامەو کیمیا گەرییە قومێکی هەزار دەردی پێ لادە می خور که ز دل کثرت و قلت ببرد و اندیشه هفتاد و دو ملت ببرد پرهیز مکن ز کیمیایی که از او یک جرعه خوری هزار علت ببرد ++++++++++++++++++++++ سەرناو: دوێنێ سەرخۆش بووم چومە مەیخانە دوێنێ سەرخۆش بووم چومە مەیخانە دیم پیرێ گۆزەی مەی لەسەر شانە وتم مامەی پیر لە خوا شەرم کە ووتی سەرخۆش بە خوا میهرەبانە سرمست به میخانه گذر کردم دوش پیری دیدم مست و سبونی بر دوش گفتم ز خدا شرم نداری ای پیر؟ گفتا کرم از خداست، می نوش و خموش ++++++++++++++++++++++ سەرناو: گوایە من بوون و نەبوون ئەزانم گوایە من بوون و نەبوون ئەزانم هەروا هۆی بەرزی و نزمی ژیانم لەگەڵ ئەوەشدا شەرمم بە خۆم دێ ناگاتە مەستی روتبە و نیشانم من ظاهر نیستی و هستی دانم من باطن هر فراز و پستی دانم با این همه از دانش خود شرمم باد گر مرتبه‌ای ورای مستی دانم ++++++++++++++++++++++ سەرناو: من وازم لە مەی و مەستی نەهانی من وازم لە مەی و مەستی نەهانی لە بەرتەنگ دەستی یا پەشیمانی من مەیم ئەخوارد دڵخۆش بم ئێستاش تۆ هاتیە ناو دڵ مەیم واز هانی من می نه ز بهر تنگدستی نخورم یا از غم رسوایی و مستی نخورم من می ز برای خوشدلی میخوردم اکنون که تو بر دلم نشستی نخورم ++++++++++++++++++++++ سەرناو: لەسەر گوڵاڵە شەونمی نەورۆز لەسەر گوڵاڵە شەونمی نەورۆز مەی و دەنگ خۆشی ئافرەتێکی قۆز دوێنێ بەسەر چوو خۆش بێ یا ناخۆش ئەمڕۆکە خۆشە ڕۆژێکە پیرۆز بر چهره گل نسیم نوروز خوش است در صحن چمن روی دل‌افروز خوش است از دی که گذشت هر چه گویی خوش نیست خوش باش وز دی مگو که امروز خوش است ++++++++++++++++++++++ سەرناو: ئێمەین و مەی و موتریب و کەسی تر ئێمەین و مەی و موتریب و کەسی تر گیان و دڵ و جام هەمووی لە مەی پڕ بێ ترس لە عەزاب لە بەخشینی خوا نە باکی خاک و نە باو نە ئاگر ماییم و می و مطرب و این کنج خراب جان و دل و جام و جامه پر درد شراب فارغ ز امید رحمت و بیم عذاب آزاد ز خاک و باد و از آتش و آب ++++++++++++++++++++++ سەرناو: فەلەک لە زەوی گوڵێکی نەڕوان فەلەک لە زەوی گوڵێکی نەڕوان نەیخاتە خاک و نەیکوژێ دیسان گەر هەور وەک ئاو خاکی ئەباران تا حەشر ئەباری خوێنی پیر و جوان گردون ز زمین هیچ گلی برنارد کش نشکند و هم به زمین نسپارد گر ابر چو آب خاک را بردارد تا حشر همه خون عزیزان بارد ++++++++++++++++++++++ سەرناو: شێخێک بە ژنێکی ئەووت سەرخۆشی شێخێک بە ژنێکی ئەووت سەرخۆشی ئەم باخەڵ ئەکەی لەسەر ئەو کۆشی ووتی من وەهام بەڵام تو خوا تۆ ڕاستە ئەو بەرگە بۆ خوا ئەپۆشی شیخی به زنی فاحشه گفتا: مستی هر لحظه به دام دگری پابستی گفتا؛ شیخا، هر آنچه گویی هستم آیا تو چنان که می‌نمایی هستی؟ ++++++++++++++++++++++ سەرناو: تاکەی چۆڵ پەرست لەم کێوو دەشتە تاکەی چۆڵ پەرست لەم کێوو دەشتە ببمە ئێشکچی بە بێ‌کەنیشتە خەیام کێ ئەڵێ جەهەنەم جێتە کێ چوە جەهەنەم کوا ئەو بەهەشتە تا چند زنم بروی دریاها خشت بیزار شدم ز بت‌پرستان کنشت خیام که گفت دوزخی خواهد بود که رفت بدوزخ و که آمد ز بهشت ++++++++++++++++++++++ سەرناو: کە کێشرا گیانی پاکی من و تۆ کە کێشرا گیانی پاکی من و تۆ خشتی دوو بۆ سەر لاکی من و تۆ ئەوسا بۆ خشتی گۆڕی ئەم و ئەو لە قاڵب ئەدەن خاکی من و تۆ از تن چو برفت جان پاک من و تو خشتی دو نهند بر مغاک من و تو و آنگاه برای خشت گور دگران در کالبدی کشند خاک من و تو ++++++++++++++++++++++ سەرناو: بێ حەد بێ حساب مردن پیر و جوان بێ حەد بێ حساب مردن پیر و جوان نەمان بیست کەسێ بێتەو لەوان ڕێی هات و نەهات ناگەڕێتەوە چیت هەیە بیبە لە سوک و گران از جمله رفتگان این راه دراز باز آمده کیست تا به ما گوید باز پس بر سر این دو راهه‌ی آز و نیاز تا هیچ نمانی که نمی‌آیی باز ++++++++++++++++++++++ سەرناو: ئەڵێن جەهەنم جێگەی سەرخۆشە ئەڵێن جەهەنم جێگەی سەرخۆشە قەت باوەڕ ناکا کەسێ بە هۆشە سەرخۆش و عاشق بچنە جەهەنم بەهەشتێ وابێ چۆڵە و ناخۆشە گویند مرا که دوزخی باشد مست قولیست خلاف دل در آن نتوان بست گر عاشق و میخواره به دوزخ باشند فردا بینی بهشت همچون کف دست ++++++++++++++++++++++ سەرناو: نەئەبوم گەر بوون بەدەستم بوایە نەئەبوم گەر بوون بەدەستم بوایە نەش ئەچووم ئەگەر چارەم بکرایە خۆزگە سەد خۆزگە بۆ ئەم دنیایە یان نەهاتمایە یان نەچومایە گر آمدنم بخود بدی نامدمی ور نیز شدن بمن بدی کی شدمی به زان نبدی که اندر این دیر خراب نه آمدمی نه شدمی نه بدمی ++++++++++++++++++++++ سەرناو: چارەنوس چی بێ ناگۆڕێ ئیتر چارەنوس چی بێ ناگۆڕێ ئیتر غەم جەرگت لە خوێن زیاتر ئەکا پڕ بە درێژی عومرت خوێناو بنۆشی هەر ئەوەی کە هەی ئیتر هیچی تر از رفته قلم هیچ دگرگون نشود وز خوردن غم به جز جگر خون نشود هان تا جگر خویش به غم خون نکنی هر ذره هر آن چه هست افزون نشود ++++++++++++++++++++++ سەرناو: چۆن هەوری نەورۆز گوڵاڵە ئەشوا چۆن هەوری نەورۆز گوڵاڵە ئەشوا تۆش پەژارەی دڵ بە مەی بشۆ وا ئەم لالەزارەی سەیرانگای تۆیە سبەی ئەبینی لە خاکت ڕوا چون ابر به نوروز رخ لاله بشست برخیز و بجام باده کن عزم درست کاین سبزه که امروز تماشاگه توست فردا همه از خاک تو برخواهد رست ++++++++++++++++++++++ سەرناو: عەشقێ کە پاک بێ ووشک و بێ تامە عەشقێ کە پاک بێ ووشک و بێ تامە هەروەک خۆڵەمێش بێ ترس و سامە عاشق ئەوەیە مانگ و ڕۆژ و ساڵ بێ خەو بێ خواردن بە بێ ئارامە عشقی که مجازی بود آبش نبود چون آتش نیم مرده تابش نبود عاشق باید که سال و ماه و شب و روز آرام و قرار و خورد و خوابش نبود ++++++++++++++++++++++ سەرناو: شکاندت شوشەی مل باریکی جوان شکاندت شوشەی مل باریکی جوان چیت بیستووە مەکە ئاڵۆزی دیسان مەگەر سەرخۆش بوی هەی خاکم بەسەر ئەو مەیە خۆشەت بەناحەق ڕژان ابریق می مرا شکستی، ربی بر من در عیش را ببستی، ربی من می خورم و تو می‌کنی بدمستی خاکم به دهن مگر که مستی، ربی ++++++++++++++++++++++ سەرناو: کەیف و مەی خواردن ئیمانی منە کەیف و مەی خواردن ئیمانی منە دوور لە کفر و دین پەیمانی منە بوکی زەمانە ووتی دڵی تۆش مارەیی و خشڵ و نیشانی منە می خوردن و شاد بودن آیین منست فارغ بودن ز کفر و دین دین منست گفتم به عروس دهر کابین تو چیست گفتا دل خرم تو کابین منست ++++++++++++++++++++++ سەرناو: هەر قومێ ساقی لە مەی بڕژێنێ هەر قومێ ساقی لە مەی بڕژێنێ کوێرایی بەسەر دیدەما دێنێ سوپاس بۆ خواکەی کە بادەی خوڵقان قومێکی هەزار دەرد ئەپەڕێنێ هر جرعه که ساقیش به خاک افشاند در دیده من آتش غم بنشاند سبحان الله! تو باده می‌پنداری آبی که دو صد درد دلت بنشاند؟ ++++++++++++++++++++++ سەرناو: نازانم ئەوەی کردمی بە ئینسان نازانم ئەوەی کردمی بە ئینسان بەهەشتی دامێ یا دۆزەخ کامیان نەی و پیاڵەی مەی ئافرەتێکی جوان ئەم سیانە بۆ من بەهەشت بۆ خۆیان من هیچ ندانم که مرا آنکه سرشت از اهل بهشت کرد یا دوزخ زشت جامی و بتی و بربطی بر لب کشت این هر سه مرا نقد و ترا نسیه بهشت ++++++++++++++++++++++ سەرناو: بم دەنێ پێش مەرگ یەک قوم بادەی ڕوت بم دەنێ پێش مەرگ یەک قوم بادەی ڕوت بەڵکو ڕووی زەردم ئاڵ کا وەک یاقوت مردیشم دیسان هەر بەمەی بم شۆن لە داری ڕەزیش بۆم بکەن تابووت زنهار ز جام می مرا قوت کنید این چهره‌ی کهربا چو یاقوت کنید چون مرده شوم به باده شویید مرا از چوب رزم تخته‌ی تابوت کنید ++++++++++++++++++++++ سەرناو: هاتن بەدەستمان نەبوو تا نەڕۆین هاتن بەدەستمان نەبوو تا نەڕۆین تاڵاوی مەرگیش هەر ئەبێ بخۆین دەخیلتم ساقی هەستە تا زووە داخی زەمانە با بە مەی بشۆین چون آمدنم به من نبد روز نخست وین رفتن بی‌مراد عزمی است درست برخیز و میان ببند ای ساقی چست کاندوه جهان به می فروخواهم‌شست ++++++++++++++++++++++ سەرناو: گوڵ ووتی یوسفی مصری گوڵزارم گوڵ ووتی یوسفی مصری گوڵزارم یاقوتم و زێڕە بزەی سەر زارم ووتم یوسفی؟ نیشانی! ووتی داوێن بە خوێن سوور سەیرکە زامارم گل گفت که من یوسف مصر چمنم یاقوت گرانمایه پر زر دهنم گفتم که چو تو یوسفی نشانی بنمای گفتا بنگر غرقه به خون پیرهنم ++++++++++++++++++++++ سەرناو: بەهارێکی تەڕ گوێ کانی و ئاوێ بەهارێکی تەڕ گوێ کانی و ئاوێ لەگەڵ چەند شۆخێ باڵا لاولاوێ چەند خۆشە بەزمی ئێمەو مەی و یار دوور لە مزگەوت و کەنیشتە تاوێ فصل گل و طرف جویبار و لب کشت با یک دو سه اهل و لعبتی حور سرشت پیش آر قدح که باده‌نوشان صبوح آسوده ز مسجدند و فارغ ز کنشت ++++++++++++++++++++++ سەرناو: شەو یەخەی شەق بوو مەلا بانگدانە شەو یەخەی شەق بوو مەلا بانگدانە تیشکی ڕۆژ بادەی کردە پەیمانە جاڕچی بانگ ئەکا مەی بنۆشن دەی شەو و ڕۆژ نەگرن دەرکی مەیخانە خورشید کمند صبح بر بام افکند کیخسرو روز، مهره در جام افکند می خور که منادی سحرگه خیزان آوازه اشربوا در ایام افکند ++++++++++++++++++++++ سەرناو: بێ گوناه کێیە پێم ناڵێیت یەزدان بێ گوناه کێیە پێم ناڵێیت یەزدان لە گوناه بەدەر کەی بوە ئینسان من گوناه بکەم تۆش سزام بدەی چی ئەبێ فەرقی من و تۆ قوربان ناکرده گنه در این جهان کیست بگو آن کس که گنه نکرد چون زیست بگو من بد کنم و تو بد مکافات دهی پس فرق میان من و تو چیست بگو ++++++++++++++++++++++ سەرناو: بەرەبەیانێ دەنگی هەراسان بەرەبەیانێ دەنگی هەراسان پیری مەیخانەی لە خەو هەڵ ئەسان هەستە پیاڵەی مەی پڕکە بەر لەوەی بە پیاڵەی مەی کەن کاسەی سەر ئاسان آمد سحری ندا ز میخانه ما کای رند خراباتی دیوانه ما برخیز که پر کنیم پیمانه ز می زان پیش که پر کنند پیمانه ما ++++++++++++++++++++++ سەرناو: ساقی ناڵه‌ی غه‌م ئاوازی به‌رزه‌ سەبارەت: نووسین: بینایی دیدە ساقی ناڵه‌ی غه‌م ئاوازی به‌رزه‌ ناوبانگی مه‌ستیم پڕ كوره‌ی ئه‌رزه‌ به‌ مووی سپیه‌وه‌ وه‌ها سه‌رخۆشم سه‌رسپی و دڵم گوڵی سه‌ر ته‌رزه‌ ++++++++++++++++++++++ سەرناو: ڕۆحی ڕه‌وانت له‌به‌ركه‌ ده‌ردێ سەبارەت: نووسین: بینایی دیدە ڕۆحی ڕه‌وانت له‌به‌ركه‌ ده‌ردێ لافاوی نه‌مان ئه‌یبا ده‌س به‌جێ مه‌ست به‌ نازانی له‌ كوێوه‌ هاتووی ناشزانی دوایی به‌ره‌و كوێ ئه‌چێ ++++++++++++++++++++++ سەرناو: بۆ دێر ده‌ست ناده‌م مزگه‌وتیش یه‌قین سەبارەت: نووسین: بینایی دیدە بۆ دێر ده‌ست ناده‌م مزگه‌وتیش یه‌قین خۆشم نازانم كه‌ من چیم له‌ ژین له‌ دنیا بووم و به‌هه‌شتیش هه‌روه‌ک لاتی بێ ئیمان قه‌حبه‌ی ناشرین ++++++++++++++++++++++ سەرناو: ڕێی که‌وته‌ گوڵشه‌ن به‌ مه‌ستی بولبول سەبارەت: نووسین: بینایی دیدە ڕێی که‌وته‌ گوڵشه‌ن به‌ مه‌ستی بولبول دی له‌ به‌زمایه‌ جام و مه‌ی و گوڵ هاته‌ زمان و به‌ گوێمیا چرپاند عومری ڕۆیشتووت بسپێره‌ به‌ گڵ ++++++++++++++++++++++ سەرناو: گه‌ر ده‌ستم ئه‌که‌وت من پارچه‌یه‌ نان سەبارەت: نووسین: بینایی دیدە گه‌ر ده‌ستم ئه‌که‌وت من پارچه‌یه‌ نان پێکێ دوو مه‌ی و نه‌ختێ گۆشتی ڕان که‌لاوه‌ کۆنێ ئافره‌تێکی جوان وا ئه‌ژیام نه‌ژی شاهه‌نشای جیهان ++++++++++++++++++++++ سەرناو: ڕۆژ خۆشه‌و شه‌ماڵ ئه‌له‌رێته‌وه‌ سەبارەت: نووسین: بینایی دیدە ڕۆژ خۆشه‌و شه‌ماڵ ئه‌له‌رێته‌وه‌ نم نمه‌ی باران گوڵ ئه‌سڕێته‌وه‌ بولبولێ ئه‌ی گوت به‌ گوڵێکی زه‌رد با جاڕێ بدرێ مه‌ی بخورێته‌وه‌ ++++++++++++++++++++++ سەرناو: قورئان که‌لامی خوایه‌ و زۆر خۆشه‌ سەبارەت: نووسین: بینایی دیدە - نووسینی شیعری خەیام: هێلکە چەپەڵ قورئان که‌لامی خوایه‌ و زۆر خۆشه‌ جارجار ئه‌خوێنرێ نه‌وه‌ک هه‌میشه‌ له‌ناو پیاڵه‌ی مه‌ی ئایه‌تێک هه‌یه‌ هه‌میشه‌و دائیم هه‌ر مه‌ی بنۆشه‌ قرآن که مهین کلام خوانند آن را گهگاه نه بر دوام خوانند آن را بر گرد پیاله آیتی هست مقیم کاندر همه جا مدام خوانند آن را ++++++++++++++++++++++ سەرناو: هه‌موو ڕۆژ ئه‌ڵێم قه‌سته‌م به‌ یه‌زدان سەبارەت: نووسین: بینایی دیدە هه‌موو ڕۆژ ئه‌ڵێم قه‌سته‌م به‌ یه‌زدان تۆبه‌ له‌مه‌ی بێ و تف لە مه‌ی خۆران وا به‌هار داهات پڕ گوڵاڵه‌ی جوان ئه‌مڕۆ تۆبه‌که‌م تاهه‌تا شکان ++++++++++++++++++++++ سەرناو: مه‌ی یاقوتی سوور سوراحی کانی سەبارەت: نووسین: بینایی دیدە مه‌ی یاقوتی سوور سوراحی کانی له‌ش پیاڵه‌که‌ی و شه‌رابیش گیانی ئه‌م پیاڵه‌ جوانه‌ی زه‌رده‌خه‌نه‌ی مه‌ی خوێناوی دڵه‌ ئه‌گه‌ر بیزانی ++++++++++++++++++++++ سەرناو: وه‌ختێ پیاڵه‌ هات هه‌ی شۆخی نازدار سەبارەت: نووسین: بینایی دیدە وه‌ختێ پیاڵه‌ هات هه‌ی شۆخی نازدار بیگێڕه‌ به‌زمی مه‌ی و عود و تار سه‌د (جه‌م) سه‌د (که‌ی) خستۆته‌ ناوچاڵ هاتنی مانگ و ڕۆیشتنی هه‌ر جار ++++++++++++++++++++++ سەرناو: گه‌ر له‌ مه‌ی مه‌ستم به‌ڵێ من مه‌ستم سەبارەت: نووسین: بینایی دیدە گه‌ر له‌ مه‌ی مه‌ستم به‌ڵێ من مه‌ستم کافرم بێ دین من بت په‌رستم هه‌رکه‌س به‌ جۆرێک ئه‌مداته‌ قه‌ڵه‌م من خۆم ئه‌زانم چییه‌ مه‌به‌ستم ++++++++++++++++++++++ سەرناو: ئه‌ی له‌سه‌ر سه‌ری هه‌موو سه‌روه‌ران سەبارەت: نووسین: بینایی دیدە ئه‌ی له‌سه‌ر سه‌ری هه‌موو سه‌روه‌ران ئه‌زانی که‌ی مه‌ی حه‌ڵاڵ ئه‌کا گیان شه‌ممه ‌و یه‌ک و دوو، سێ شه‌مه‌ و چوار پێنج شه‌ممه‌، جمعه‌، شه‌و مه‌لا بانگان ++++++++++++++++++++++ سەرناو: گه‌ر ده‌ستگیرت بوو تۆ پارچه‌ نانێ سەبارەت: نووسین: بینایی دیدە گه‌ر ده‌ستگیرت بوو تۆ پارچه‌ نانێ که‌لاوه‌ کۆنێ سووچی کۆڵانێ نه‌که‌س غوڵامت نه‌ غوڵامی که‌س له‌ به‌هه‌شت ئه‌ژیت تۆ خۆت وادانێ ++++++++++++++++++++++ سەرناو: که‌ خۆت مه‌ی ناخۆیت له‌ سه‌رخۆش مه‌گره سەبارەت: نووسین: بینایی دیدە - نووسینی شیعری خەیام: هێلکە چەپەڵ که‌ خۆت مه‌ی ناخۆیت له‌ سه‌رخۆش مه‌گره‌ خۆت پیاو چاک مه‌که‌ به‌ فێڵ و ته‌فره‌ دڵت خۆش مه‌که‌ شوکر مه‌ی ناخۆیت سه‌د گوناهـ ئه‌که‌یت مه‌ی زۆر باشتره‌ گر می نخوری طعنه مزن مستان را بنیاد مکن تو حیله و دستان را تو غره بدان مشو که می می‌نخوری صد لقمه خوری که می غلام است آن را ++++++++++++++++++++++ سەرناو: سه‌رمایه و قازانج هه‌مووم له‌ده‌ست چوو سەبارەت: نووسین: بینایی دیدە سه‌رمایه و قازانج هه‌مووم له‌ده‌ست چوو زۆر جه‌رگی بڕی ئه‌جه‌لی به‌د خوو که‌س نه‌هاته‌وه‌ له‌و دنیا تاکوو بزانین باسی مردوه‌کان چی بوو ++++++++++++++++++++++ سەرناو: له‌ مه‌یخانه‌ دیم پیرێکی زاهید سەبارەت: نووسین: بینایی دیدە له‌ مه‌یخانه‌ دیم پیرێکی زاهید پێم ووت مردووه‌کان ئاخۆ چیان کرد ووتی سه‌رخۆش به‌ زۆری وه‌کو تۆ چوون و تا ئێستا نه‌ جواب نه‌ قاسید ++++++++++++++++++++++ سەرناو: من به‌بێ شه‌راب هه‌ڵناکه‌م ئه‌مرم سەبارەت: نووسین: بینایی دیدە من به‌بێ شه‌راب هه‌ڵناکه‌م ئه‌مرم ناتوانم باری جه‌سته‌م هه‌ڵگرم ئه‌و ساته‌م خۆشه‌ ساقی بڵێ ها ئه‌م پێکه‌ش بگره‌ و نه‌توانم بیگرم ++++++++++++++++++++++ سەرناو: به‌ینێ شاگرد بووین، بووین به‌ مامۆستا سەبارەت: نووسین: بینایی دیدە به‌ینێ شاگرد بووین، بووین به‌ مامۆستا به‌م که‌ین و به‌ینه‌ زۆر که‌یفمان هه‌ستا ئه‌نجامی داستان گوێ بگره‌ چی بوو له‌خاک ده‌رچووین و چووین به ‌بای وه‌شتا ++++++++++++++++++++++ سەرناو: مه‌هێڵه‌ خه‌فه‌ت داکوتێ ڕیشه‌ی سەبارەت: نووسین: بینایی دیدە مه‌هێڵه‌ خه‌فه‌ت داکوتێ ڕیشه‌ی ماتی ڕۆژگارت بگرێ هه‌تا هه‌ی واز له‌ پیاڵه‌ی مه‌ی له‌ یار مه‌هێنه‌ به‌ر له‌وه‌ی مه‌رگ تێت خوڕێ هاده‌ی ++++++++++++++++++++++ سەرناو: داخی به‌جه‌رگم هاوڕێکانم چوون سەبارەت: نووسین: بینایی دیدە داخی به‌جه‌رگم هاوڕێکانم چوون ئێسکیان داڕزا و نه‌مان و مردوون وه‌ک یه‌ک نۆشیمان له ‌یه‌ک پیاڵه‌ که‌مێ پێش ئێمه‌ ئه‌وان سه‌رخۆش بوون ++++++++++++++++++++++ سەرناو: ئازیز با غه‌می سبه‌ی هه‌ڵنه‌گرین سەبارەت: نووسین: بینایی دیدە ئازیز با غه‌می سبه‌ی هه‌ڵنه‌گرین بێ مه‌ی قه‌ت سه‌رێ نه‌که‌ینه‌ سه‌رین سبه‌ی کاروانی مه‌رگ که‌وته‌ ڕێ ساڵێک بێ و هه‌زار وه‌کو یه‌ک ئه‌مرین ++++++++++++++++++++++ سەرناو: له‌هه‌ر قوژبنێک سه‌وزه‌ و مێرگێکه‌ سەبارەت: نووسین: بینایی دیدە له‌هه‌ر قوژبنێک سه‌وزه‌ و مێرگێکه‌ له‌ خوێنی گه‌شی جوانه‌ مه‌رگێکه‌ پێ توند دامه‌گره‌ له‌و سه‌وزه‌ گیایه‌ ڕه‌گ و ڕیشه‌که‌ی دڵ و جه‌رگێکه‌ ++++++++++++++++++++++ سەرناو: ئه‌و کۆشکه‌ی جێگا که‌یفی جه‌مشید بوو سەبارەت: نووسین: بینایی دیدە - نووسینی شیعری خەیام: هێلکە چەپەڵ ئه‌و کۆشکه‌ی جێگا که‌یفی جه‌مشید بوو ئاسک تیا ئه‌ژی و مام ڕێویش بێچو بەهرام که‌ گۆڕی ئه‌کرد به‌ کباب گۆڕ گرتی خۆی و مردو به‌سه‌رچوو آن قصر که جمشید در او جام گرفت آهو بچه کرد و روبه آرام گرفت بهرام که گور می‌گرفتی همه عمر دیدی که چگونه گور بهرام گرفت ++++++++++++++++++++++ سەرناو: به‌رله‌وه‌ی له‌سه‌ر گۆڕت بخوێنن سەبارەت: نووسین: بینایی دیدە به‌رله‌وه‌ی له‌سه‌ر گۆڕت بخوێنن بفه‌رموو مه‌ی و مه‌زه‌ی خۆش بێنن خۆ تۆ ئاڵتون نیت هه‌ی گه‌وجی نه‌زان بتخه‌نه‌ خاک و ده‌رت بهێنن ++++++++++++++++++++++ سەرناو: له‌هه‌ر جێ گوڵ و لاله‌ زارێکه‌ سەبارەت: نووسین: بینایی دیدە له‌هه‌ر جێ گوڵ و لاله‌ زارێکه‌ ئه‌و گوڵه‌ خوێنی پادشای شارێکه‌ هه‌ر وه‌نه‌وشه‌یه‌ک ده‌م ئه‌کاته‌وه‌ خاڵی سه‌ر گۆنای چاو به‌خومارێکه‌ ++++++++++++++++++++++ سەرناو: ئه‌ی دڵ گریمان که‌ خۆشی دنیا سەبارەت: نووسین: بینایی دیدە ئه‌ی دڵ گریمان که‌ خۆشی دنیا باغی ئاواتت له‌ گوڵاڵه‌ پڕکا له‌ پڕ ئه‌بینی شه‌وێک وه‌ک شه‌ونم سبه‌ی چۆن ئه‌تکێ تۆش نه‌مای ئاوا ++++++++++++++++++++++ سەرناو: گه‌ر سه‌رخۆش نابم په‌ست و دڵگیرم سەبارەت: نووسین: بینایی دیدە گه‌ر سه‌رخۆش نابم په‌ست و دڵگیرم که‌ سه‌رخۆش ئه‌بم بێ هۆش و بیرم حاڵێکه‌ به‌ینی هۆشیاری و مه‌ستی به‌نده‌ی ئه‌و کاته‌م گه‌ر بێ ده‌ست گیرم ++++++++++++++++++++++ سەرناو: هاتن و چونمان بێ سوود و هۆیه‌ سەبارەت: نووسین: بینایی دیدە هاتن و چونمان بێ سوود و هۆیه‌ قاڵیچه‌ی ژینمان بێ تان و پۆیه‌ له‌ گێژه‌ی چه‌رخا ئای که‌ گیانی پاک ئه‌سوتێ قرچ و هه‌را و بۆسۆیه‌ ++++++++++++++++++++++ سەرناو: ئێمه‌ین کڕیاری مه‌یی کۆنه ‌و نۆ سەبارەت: نووسین: بینایی دیدە ئێمه‌ین کڕیاری مه‌یی کۆنه ‌و نۆ به‌هه‌شتمان داوه‌ به‌ نیو ده‌نک جۆ ئه‌زانی بۆ کوێ ئه‌چی که‌ مردی؟ مه‌ی به‌ من بده‌ و کوێ ئه‌چی بچۆ ++++++++++++++++++++++ سەرناو: به‌ر له‌وه‌ی مه‌رگ بفه‌رموێ بڕۆین سەبارەت: نووسین: بینایی دیدە به‌ر له‌وه‌ی مه‌رگ بفه‌رموێ بڕۆین وه‌ره‌ ده‌ردی دڵ تێر به ‌مه‌ی بشۆین به‌ دووری مه‌گره‌ چه‌رخی به‌د کردار مۆڵه‌تمان نه‌دا قومێ ئاو بخۆبن ++++++++++++++++++++++ سەرناو: له‌گه‌ڵ تیشکی خۆر سپێده‌ی به‌یان سەبارەت: نووسین: بینایی دیدە له‌گه‌ڵ تیشکی خۆر سپێده‌ی به‌یان ده‌ست به‌ پیاڵه‌ی مه‌ی چه‌ند جوانه‌ ئینسان ئه‌ڵێن که‌ گوایه‌ مه‌ی تفت و تاڵه‌ حه‌ق تاڵه ‌و مه‌یش حه‌قه‌ بێ گومان ++++++++++++++++++++++ سەرناو: تێکه‌ ده‌ی ساقی تۆ باده‌ی گوڵگون سەبارەت: نووسین: بینایی دیدە تێکه‌ ده‌ی ساقی تۆ باده‌ی گوڵگون با بڕژێ خوێنی شووشه‌ی سه‌رنگون به‌ غه‌یری شه‌راب نیه‌ له‌ گه‌ردوون یارێکی پاک و دڵ و ده‌روون روون ++++++++++++++++++++++ سەرناو: له‌ که‌لله‌ت ده‌رکه‌ که‌ڵکه‌ڵه‌ی مه‌حاڵ سەبارەت: نووسین: بینایی دیدە له‌ که‌لله‌ت ده‌رکه‌ که‌ڵکه‌ڵه‌ی مه‌حاڵ پیاڵه‌ت پڕ مه‌ی بێ به‌ درێژایی ساڵ له‌گه‌ڵ کچی ڕه‌ز ڕابوێره‌ بۆ خۆت کچ به‌ حه‌رامی نه‌ک دایکی حه‌ڵاڵ ++++++++++++++++++++++ سەرناو: له‌وه‌ته‌ی مانگ و ئه‌ستێره‌ی ئاسمان سەبارەت: نووسین: بینایی دیدە - نووسینی شیعری خەیام: هێلکە چەپەڵ له‌وه‌ته‌ی مانگ و ئه‌ستێره‌ی ئاسمان خول ئه‌خۆن وه‌ک مه‌ی نه‌ی دیوه‌ ئینسان من زۆر سه‌رسامم له ‌مه‌ی فرۆشان چی ئه‌کڕنه‌وه‌ باشتر بێ و هه‌رزان تا زهره و مه در آسمان گشت پدید بهتر ز می ناب کسی هیچ ندید من در عجبم ز می‌فروشان کایشان به زآن‌که فروشند چه خواهند خرید ++++++++++++++++++++++ سەرناو: هێنده‌ مه‌ی ئه‌خۆم که‌له‌ بۆنی مه‌ی سەبارەت: نووسین: بینایی دیدە هێنده‌ مه‌ی ئه‌خۆم که‌له‌ بۆنی مه‌ی پڕبێ گۆڕه‌که‌م له‌و بۆنه‌ خۆشه‌ی گه‌ر عاره‌ق خۆرێ به‌لاما بڕوات مه‌ست و سه‌رخۆش بێ و تێر بڵێ ئۆخه‌ی ++++++++++++++++++++++ سەرناو: ئه‌م چه‌رخه‌ تێیدا خه‌ریک داماوین سەبارەت: نووسین: بینایی دیدە ئه‌م چه‌رخه‌ تێیدا خه‌ریک داماوین وێنه‌گرێکه‌ و ئێمه‌ش ڕوداوین ڕۆژ وه‌کوو چرا و عاله‌میش فانۆس گێژ و خول ئه‌خۆین چه‌ند خه‌یاڵ خاوین ++++++++++++++++++++++ سەرناو: ئێمه‌ی شازاده‌ی خۆشی و ماکی غه‌م سەبارەت: نووسین: بینایی دیدە ئێمه‌ی شازاده‌ی خۆشی و ماکی غه‌م سه‌رمایه‌ی داد و بنچینه‌ی سته‌م به‌رزین و نزم په‌ستین و هه‌م که‌م ئاوێنه‌ی ژه‌نگ دار له‌گه‌ڵ جاجی جه‌م ++++++++++++++++++++++ سەرناو: خوایه‌ دیمه‌نی شۆخی ئه‌و کیژه‌ سەبارەت: نووسین: بینایی دیدە خوایه‌ دیمه‌نی شۆخی ئه‌و کیژه‌ وه‌ها ڕازاوه‌ وا جوان داڕێژه‌ ناش بێ سه‌یری که‌ین ئه‌م حوکمه‌ت وایه‌ کاسه‌ی پڕ له‌ ئاو خوارکه ‌و مه‌ی ڕێژه‌ ++++++++++++++++++++++ سەرناو: گیانی به‌ ماکی پاکیی کرا گۆش سەبارەت: نووسین: بینایی دیدە گیانی به‌ ماکی پاکیی کرا گۆش میوانته‌ نه‌که‌یت بیکه‌ی فه‌رامۆش هه‌ر ڕۆژت لێ هات که‌یلی که‌ به ‌مه‌ی نه‌ک ئێواره‌یه‌ک بڵێ لای تۆم خۆش ++++++++++++++++++++++ سەرناو: یه‌ک قوم له‌شه‌راب گشت جیهان دێنێ سەبارەت: نووسین: بینایی دیدە یه‌ک قوم له‌شه‌راب گشت جیهان دێنێ خشتی سه‌ر کوپه‌ی هه‌زار گیان دێنێ ئه‌و ده‌سه‌سڕه‌ی مه‌یی پێ ئه‌سڕین هه‌زار به‌رماڵی موسوڵمان دێنێ ++++++++++++++++++++++ سەرناو: هه‌فته‌ هه‌موو ڕۆژ مه‌ی بخۆ سه‌ربه‌ست سەبارەت: نووسین: بینایی دیدە هه‌فته‌ هه‌موو ڕۆژ مه‌ی بخۆ سه‌ربه‌ست نه‌که‌ی قه‌ت جومعه‌ ده‌ربکه‌ی له ‌ده‌ست لای ئێمه‌ یه‌که‌ شه‌ممه‌ یا جومعه‌یه‌ تۆ خوا په‌رست به‌ نه‌وه‌ک ڕۆژ په‌رست ++++++++++++++++++++++ سەرناو: مه‌یخانه‌ به‌مه‌ی خۆران ئاوایه‌ سەبارەت: نووسین: بینایی دیدە مه‌یخانه‌ به‌مه‌ی خۆران ئاوایه‌ خوێنی دوو هه‌زار تۆبه‌م له ‌ملایه‌ من گوناهـ نه‌که‌م ڕه‌حمه‌ت کوا ئه‌بێ تامی لێ بوردن له‌ گوناهـ دایه‌ ++++++++++++++++++++++ سەرناو: خه‌رقه‌ی تۆبه‌ و زوهد شه‌رته‌ بفرۆشم سەبارەت: نووسین: بینایی دیدە خه‌رقه‌ی تۆبه‌ و زوهد شه‌رته‌ بفرۆشم به‌ مووی سپییه‌وه‌ تێر مه‌ی بنۆشم ژماره‌ی عومرم خۆیدا له‌ هه‌فتا ئێستا وه‌ختێتی بۆ مه‌ی تێکۆشم ++++++++++++++++++++++ سەرناو: من مه‌یی تاڵیی کۆنه‌ بێ ووچان سەبارەت: نووسین: بینایی دیدە من مه‌یی تاڵیی کۆنه‌ بێ ووچان ئه‌نۆشم شه‌وی جومعه‌ی ڕه‌مه‌زان ترێی حه‌ڵاڵی خۆم کرده‌ کووپه‌ ئه‌یکا به‌ شه‌راب تا نه‌یخۆم، یه‌زدان ++++++++++++++++++++++ سەرناو: ده‌ستێک به‌ قورئان ده‌ستێکم به‌جام سەبارەت: نووسین: بینایی دیدە ده‌ستێک به‌ قورئان ده‌ستێکم به‌جام لایه‌کم حه‌ڵاڵ ئه‌ولاکه‌م حه‌رام له‌م ژێر گومه‌زی شینه‌ ئێمه‌ واین نه‌ ته‌واو کافر نه ‌ته‌واو ئیسلام ++++++++++++++++++++++ سەرناو: پیاڵه‌ به‌و چه‌شنه‌ دروست کراوه‌ سەبارەت: نووسین: بینایی دیدە - نووسینی شیعری خەیام: هێلکە چەپەڵ پیاڵه‌ به‌و چه‌شنه‌ دروست کراوه‌ بشکێ لای سه‌رخۆش کفری ته‌واوه‌ هه‌ر سه‌ره‌ و کوڵمه‌ و لاجانگه‌ و چاوه‌ لای خوا ڕه‌وایه‌ بڵێن شکاوه‌ ترکیب پیاله‌ای که در هم پیوست بشکستن آن روا نمی‌دارد مست چندین سر و پای نازنین از سر دست از مهر که پیوست و به کین که شکست ++++++++++++++++++++++ سەرناو: به‌رماڵمان له‌ مل کووپه‌ی مه‌ی ئاڵان سەبارەت: نووسین: بینایی دیدە به‌رماڵمان له‌ مل کووپه‌ی مه‌ی ئاڵان تۆزی مه‌یخانه‌ بۆ ته‌یموممان به‌ڵکو له‌و عومره‌ی له‌ مزگه‌وت دۆڕا بیدۆزینه‌وه‌ له‌ مه‌یخانه‌کان ++++++++++++++++++++++ سەرناو: گوڵ ووتی له‌ ڕووم جوانتر قه‌ت نابێ سەبارەت: نووسین: بینایی دیدە گوڵ ووتی له‌ ڕووم جوانتر قه‌ت نابێ گوڵاوکه‌ر بۆچی ڕقی لێم وابێ بولبول ووتی پێی ئه‌بێ هه‌موو که‌س ڕۆژێک پێکه‌نی، ساڵێک گریابێ ++++++++++++++++++++++ سەرناو: که‌لله‌ ئاره‌زوی کچی جوانێتی سەبارەت: نووسین: بینایی دیدە که‌لله‌ ئاره‌زوی کچی جوانێتی دڵم هه‌ر شه‌راب داوا خوازێتی پێم ئه‌ڵێن به‌ڵکو خوا لێت خۆش نه‌بێ من تۆبه‌ ناکه‌م که‌یفی خۆیه‌تی ++++++++++++++++++++++ سەرناو: سبه‌ینێ ئاڵای درۆ قه‌ی ئه‌که‌م سەبارەت: نووسین: بینایی دیدە سبه‌ینێ ئاڵای درۆ قه‌ی ئه‌که‌م به‌ مووی سپیه‌وه‌ قه‌صدی مه‌ی ئه‌که‌م ساڵانی عومرم خۆی دا له‌ هه‌فتا ئێستى که‌یف نه‌که‌م گوایه‌ که‌ی ئه‌یکه‌م؟ ++++++++++++++++++++++