شاعیر: شاکە و خان مەنسوور کتێب: دیوانی شاکە و خان مەنسوور سەرناو: شوکرانە سەبارەت: نووسین: کەماڵ ڕەحمانی ش: شوکرانه‌م پێد بوو بیناێ بان سه‌ر خ: کووره‌ گڵاڵان لافاو گرته‌ وه‌ر شوکرانه‌م پێد بوو که‌س سڕ نه‌زانا سفێد په‌ڕ له‌ رۆ سه‌رزه‌مین شانا شوکرانه‌م پێد بوو هه‌ر وه‌خت مه‌ێلت هه‌س وه‌ بێ نم سه‌ونز که‌ێ گوڵان که‌ڵ مه‌س شوکرانه‌م پێد بوو ساێه‌قه‌ێ نه‌سیم سه‌ر تیه‌تان کردێه‌ وه‌ تڵا و وه‌ سیم شوکرانه‌م پێد بوو ئاو شه‌و ماسن ئاقاێ عزرائیل به‌نی ئایه‌م تاسن شوکرانه‌م پێد بوو ئه‌ێ بارلاهی زه‌مین یه‌خ به‌ساس تا گاه‌ ماهی ماهی ها وه‌ بان گورده‌ێ نه‌هه‌نگێ نه‌هه‌نگ ها وه‌ بان به‌ربه‌ر سه‌نگێ ئه‌و سه‌نگه‌ ه‌ا بان تێخ فه‌ره‌نگێ په‌ێوه‌سه‌ له‌ بان زوان له‌نگێ وه‌ شه‌و مه‌سازوو میل سووهان ساو وه‌ رووژ مه‌تکێ قه‌تره‌ قه‌تره‌ێ ئاو ++++++++++++++++++++++ سەرناو: وەهارانە سەبارەت: نووسین: کەماڵ ڕەحمانی خان مه‌سۆر: فه‌سڵ نه‌و به‌هار چۆ کیه‌نی نۆره‌ ئه‌ێ نۆره‌ له‌ تێوڵ موفڵسان دٶره‌ وه‌هار وه‌و خه‌ێمه‌ء ره‌نگاێ ره‌نگه‌وه‌ هه‌ر مه‌لێ سازێ گرت وه‌ چه‌نگه‌وه‌ وه‌هار هاتگه‌ چۆ حاکم نوو سیا دره‌ختان کرد وه‌ سه‌وزه‌ چوو بوڵبوڵ له‌ چه‌مه‌ن، که‌ۆ له‌ نساران ئه‌و یه‌ک مه‌چڕن ڕه‌وزه‌ێ وه‌هاران ڕه‌نگ ڕه‌نگ مه‌گره‌وسێ هه‌ر سوو له‌ کاوان وێنه‌ێ عه‌رووسێ داێوگ له‌ (مه‌چوو وه‌) باوان شاکه‌ سه‌ر تیه‌تان وه‌ خێمه‌ێ گوڵ بۆ تڵه‌سم تووفان زه‌لان باتڵ بۆ دوواێ ره‌نگاێ ره‌نگ وه‌هار هاسڵ بۆ نازاری له‌ێلم چمان له‌ دڵ بۆ ++++++++++++++++++++++ سەرناو: مینگەێ نوو سەبارەت: نووسین: کەماڵ ڕەحمانی خودا به‌ێ وه‌ پێد هه‌ر رووژ مینگه‌ێ نوو قاڕه‌ێ کوورپه‌ وه‌رک، شاقه‌ێ که‌و له‌ کوو خودا به‌ێ وه‌ پێد بێتره‌ له‌ گێشت ئاوه‌گه‌ێ سیه‌چڵ، سه‌ردی پای مانێشت مانێشت وه‌ فه‌داێ به‌رزی هه‌وادم قیقه‌ێ نازاران هه‌ر سوو له‌ پادم خودا به‌ێ وه‌ پێد له‌ ئاڵه‌م ئه‌و ده‌ر مینگه‌ێ بان سه‌راو، کیه‌نی زه‌ر که‌مه‌ر خوه‌شاڵ وه‌ خوه‌دان، خوه‌ش وه‌ حاڵتان سه‌وزه‌ وه‌ بێ خه‌وف تیاێگه‌ ماڵتان ڕه‌نجه‌روو و وێمه‌، که‌فتگه‌ کووسم چگمه‌و شوون میرکان، بار کردێه‌ دووسم ئمشه‌و له‌ به‌ختم مانگ ئاخڵ داگه‌ سه‌وزه‌ێ باڵابه‌رز قه‌ڕاوڵ ناگه‌ ته‌مه‌ناێ سه‌رچیت دووژ ده‌واران ماچ کوورپه‌ دۆێه‌ت مینگه‌ نه‌واران چٶبازێ گل ده‌ێ له شوون شکار له ماڵ هاته‌و ده‌ر تووپی گوڵ ده‌مه‌ سه‌روه‌ن سه‌نگه‌ڵا ئه‌ێ پیاڵه‌ چه‌مه‌ له‌ ماڵ هاته‌و ده‌ر سه‌روه‌ن قه‌ڵاخی چه‌وێل چۆ پیاڵه‌، ده‌م چۆ گوڵ باخی له‌ ماڵ هاته‌و ده‌ر وه‌ ئسم بازی هوونه‌ێل ها بان کوڵه‌نجه‌ێ شیرازی زوڵف له‌ولاوی بپێچم له‌ ده‌س بوومه‌ نه‌رده‌وان دو لیموو نه‌وره‌س گه‌رمه‌سێر گه‌رمه‌ نیشتن به‌تاڵه‌ مانێشت کوو خاسه‌ وه‌فرێ خاڵ خاڵه‌ قه‌ومه‌ێل، براگه‌ێل، چه‌نی چه‌ن وه‌خته‌ شکار دڵم زامدار به‌خته‌ بازێگم ده‌رچگ وه‌ ته‌نافه‌وه‌ سه‌یاده‌ێل نیه‌ن وه‌ نشاته‌وه‌ چه‌رخه‌ێ چه‌و شرین شووخ دیده‌ مه‌س ساێ سه‌ر ئه‌و بان که‌، بزان ئه‌رزم چوه‌س سیاماڵ خاسه‌ خودا به‌ێ وه‌ پێت ساێ دار ئیڵاخ و دڵ خوه‌شی پاێ چیت بنیشی له‌ ساێ دیواخان وێت رووژه‌ سه‌د هاوکوڕ سه‌ڵام که‌ێ وه‌ پێت ++++++++++++++++++++++ سەرناو: به‌رزه‌ چناران سەبارەت: نووسین: کەماڵ ڕەحمانی شاکه‌: به‌رزه‌ چناران، به‌رزه‌ چناران به‌و بچیمه‌ سه‌ێر به‌رزه‌ چناران چناره‌ێ خه‌ریو نزیک وه‌ شاران جاگه‌ێ هه‌ر ساڵه‌ێ ته‌مه‌نگاێ یاران گه‌ل گه‌ل و جوز جوز چۆ سپاداران پرسام ئه‌ێ چنار غه‌ریب شاران جاگه‌ێ عه‌ێش و نووش گوزه‌رگاێ یاران ته‌مه‌نگاێ گوڵان سه‌وزه‌ێ وه‌هاران پرسام ئه‌ێ چنار! شه‌م شه‌ماڵ له‌رز تو له‌ هه‌واێ کی ئه‌ێقه‌ بۆده‌ به‌رز پرسام ئه‌ێ چنار په‌ێ کی زه‌رده‌نی مه‌ر چۆ من هێجران شه‌خسێ که‌رده‌نی؟ ئه‌وسا تۆلێ بۆم که‌فتم له‌ داران سه‌ۆز کردم له‌ به‌ێن شیس مه‌غاران گه‌ل گه‌ل نازاران هاتن وه‌ پاگه‌م ته‌مه‌نگا کردن هه‌ر سوو له‌ ساگه‌م قیقه‌ێ نازاران مه‌نیشت ئه‌و شاخم منیش له‌و بووته‌وبه‌رز بۆ ده‌ماخم قیقه‌ێ نازاران له‌ پاێ من وێه‌رد منیش له‌و بووته‌و زایف بٶم و زه‌رد له‌ به‌س ته‌مه‌نگاێ زنج و خاڵ که‌ردم یه‌سه‌ له‌و بووته‌و زه‌عیف و زه‌ردم شاکه‌: هه‌ر ساڵێ ساتێ، هه‌ر رووژێ وه‌ختێ ئمڕوو ڕاگه‌م که‌فت ئه‌و پاێ دره‌ختێ واتم ئه‌ێ دره‌خت په‌ێ چی زه‌رده‌نی مه‌ر چۆ من هێجران شه‌خسێ که‌رده‌نی وه‌ت: لێوه‌ێ بێ عه‌قڵ حاڵ مه‌زان ده‌رد دره‌خت بێ ده‌رد چته‌ور مه‌یو زه‌رد ئه‌وقه‌ر ته‌مه‌نگاێ زنج و خاڵ کردم هه‌ له‌و بووته‌وه‌ زه‌عیف و زه‌ردم گه‌ل گه‌ل نازاران هاتن وه‌ پاگه‌م فه‌رش ناز خسن نیشن له‌ ساگه‌م چۆ دار ئاسوو ریشه‌ خوریاگم وێنه‌ێ هه‌زره‌چی جواو دریاگم ئیرنگه‌ چۆ سه‌ر سه‌وز شاهین پووس که‌نه‌ په‌ڕ و پووم له‌ ده‌ور گڵاڵه‌ێل مه‌نه‌ ++++++++++++++++++++++ سەرناو: دڵداری ١ سەبارەت: نووسین: کەماڵ ڕەحمانی خ)شاکه‌ له‌ سه‌ر دا، شاکه‌ له‌ سه‌ر دا راس باچه‌ په‌رێم ئمجا له‌ سه‌ر دا شاکه‌ تن ئه‌و شا ده‌س له‌ خه‌ێبه‌ر دا کی گڕه‌ێ ئاگر له‌ جه‌سه‌د وه‌ر دا؟ ش)خان له‌ مابه‌ێن خوڕان و بازان جاگه‌ێ عه‌ێش و نووش که‌مه‌ن درازان گه‌لێ کوورپه‌ دۆێه‌ت درات له‌ ماڵان هێمان هانه‌ سن هه‌ێشت و نوو ساڵان وه‌ لێوه‌ خه‌نه‌، وه‌ تیره‌ نازان داخڵ بٶن له‌ ئاو سه‌راو بازان له‌ جه‌ڵد درامان، قۆته‌ بۆن له‌ ئاو وه‌ په‌نجه‌ێ شه‌مشاڵ یه‌ک مێان قه‌شاو له‌ جه‌ڵد درامان، قۆته‌ بۆن له‌ هه‌وز ڕۆ هه‌وز پووشانن چۆتاڵه‌ێ سه‌رسه‌وز له‌ وێنه‌ێ سه‌رسه‌وز مه‌دان ئه‌و رۆ تاف دان وه‌ تافه‌ێلا زوڵف که‌ڵاف که‌ڵاف شستوشوو کردن چۆ غازێ وه‌ ناز گاگا قیقه‌ێ چه‌رخ و گاگا بریقه‌ێ باز له‌ ئاو درامان جه‌لا دان سه‌روه‌ن تیپ دان چۆ که‌ڵ ره‌م دیار ده‌روه‌ن له‌ ئاو درامان خاڵ وه‌ رێشته‌وه‌ خان مه‌سۆر نه‌یدان وه‌ مانێشته‌وه‌؟ ئه‌وه‌ڵ حه‌نیفه‌، گوڵ جه‌مالشه‌ن ئاڵه‌م هه‌زره‌ت مه‌ن زنج و خاڵشه‌ن دوێم جه‌واه‌ێر، ته‌مام بێ عێوه‌ رشته‌ێ ڕه‌نگاێ ڕه‌نگ کارخانه‌ێ خه‌ێوه‌ سه‌ێم ته‌مامه‌، ته‌مام ته‌مامه‌ گیسوو چۆ که‌مه‌ن وێنه‌ێ به‌هرامه‌ چوارم خه‌ێریه‌، خه‌ێرێ وه‌ باره‌ بوو ده‌رۆنه‌گه‌ێ مشک عه‌تاره‌ په‌نجم فاتمه‌، گیس چۆ به‌ره‌زا وێنه‌ێ خوه‌ر زه‌رد له‌ رۆ که‌مه‌ر دا شه‌شم ئاسیه‌، خاڵ چۆ ئاساره‌ ئه‌و خاڵه‌ له‌ رۆ زنجه‌ دیاره‌ هه‌فتم زینه‌ته‌، به‌رزه‌ چۆ چنار نیش بژانگێ چۆ تیر مه‌که‌ێ کار هه‌ێشتم گوڵ خه‌نان دۆێه‌ت سه‌یه‌مه‌ێ ده‌م وێنه‌ێ جێران باڵا وێنه‌ێ نه‌ێ نووه‌م نووریه‌، نۆر په‌ێدا که‌رده‌ مه‌ر مه‌فتۆڵ له‌ده‌ور مینا ڵۆڵ خوه‌رده‌ ده‌هم نسره‌ته‌، هۆڵ و سۆه‌ر هه‌مس گل مه‌خوه‌ێ له‌ بان خورشێ ئاوه‌نوس یانزه‌هم فه‌رده‌وس، تفڵ ته‌ڕ داروو هه‌واێ گوڵ غومچه‌ێ لێو به‌ر داروو دووانزه‌هم خورشێ با ئوومه‌ت گێشته‌ له‌و وه‌فراو خوه‌رێل قوله‌ێ مانێشته‌ سێنزه‌هم فانووس وه‌و ره‌فتاره‌وه‌ وه‌و خزم و خنج و له‌نجه‌ و لاره‌وه‌ خان مه‌سۆر: شاکه‌ خاڵ له‌ێل وه‌ هه‌ێ هه‌ێ نیه‌ن یان وه‌ نیمه‌شه‌و رٶ دوجه‌ێل نیه‌ن ++++++++++++++++++++++ سەرناو: دڵداری ٢ سەبارەت: نووسین: کەماڵ ڕەحمانی شاکه‌: له‌ هه‌ێ هه‌ێ بۆیاێ، له‌ هه‌ێ هه‌ێ بۆیاێ یان له‌ هه‌ێ یا هه‌ێ حه‌ربه‌ێ نه‌ێ بۆیاێ یان له‌ قه‌ڵاچه‌ێ سه‌نگ مه‌ڕ بۆیاێ یان له‌ پێشت گووش شێر نه‌ڕ بۆیاێ ئیران و تووران وه‌راێ وه‌ر بۆیاێ له‌ێلی له‌ ماوه‌ێن هه‌ر دو سه‌ر بۆیاێ یان هه‌ڵه‌ت وه‌ خۆن دوژمه‌ن مه‌که‌م ره‌نگ یان خاڵ له‌یلی ماوه‌رم وه‌ چه‌نگ یان مه‌لان له‌ بان لاشه‌م مه‌که‌ن سوور یان خاڵ له‌یلی ماوه‌رم وه‌ زوور خان مه‌سۆر: وه‌ هه‌ێ هه‌ێ نیه‌ن، وه‌ هه‌ێ هه‌ێ نیه‌ن یان وه‌ هه‌ێ یا هه‌ێ حه‌ربه‌ێ نه‌ێ نیه‌ن خاڵ وه‌ وه‌سف نیه‌ن، خاڵ وه‌ وه‌سف نیه‌ن خاڵ وه‌ جه‌نگ شێر و زوور ئه‌سپ نیه‌ن نه‌ وه‌ هه‌ێ هه‌ێه‌ ونه‌ وه‌ حه‌ربه‌ێ نه‌ێ نه‌ وه‌ تیق و تووق کیانان که‌ێ هه‌ر که‌س وه‌ ئقباڵ و وه‌ پێشانی خوه‌ێ وه‌ ئاسان مه‌که‌ێ سێر باخچه‌ و به‌ێ ++++++++++++++++++++++ سەرناو: دڵداری ٣ سەبارەت: نووسین: کەماڵ ڕەحمانی خان مه‌سۆر: شاکه‌ رازان دیم، شاکه‌ رازان دیم وه‌ دیده‌ت قه‌سه‌م عه‌جه‌و رازان دیم وه‌ که‌ماڵ مه‌یل دڵنه‌وازان دیم جفتێ ماسک له‌ لێو سه‌راو بازان دیم ماێشته‌ێ دارایی دان له‌ ده‌ور به‌ێ گاگا چو سه‌رسه‌وز ده‌لیا مه‌که‌ن ته‌ێ ماێشته‌ێ دارایی دان له‌ شه‌که‌ر نه‌ێ یه‌ک یه‌ک چۊ ماهی ده‌لیا مه‌که‌ن ته‌ێ ماێشته‌ێ دارایی دان له‌ ده‌ ور ناف دان وه‌ گڵاڵا زوڵف کڵاف کڵاف له‌ ئاو دراتن خاڵ وه‌ رێشته‌وه‌ خان مه‌سۊر دیێان له‌ مانێشته‌وه‌ ماسک سه‌ر ره‌وێشت نواێ ماسکان هه‌ێ له‌ خشه‌ێ سه‌رمل وێش هه‌راسان هه‌ێ گام گوڵ ریژ نه‌و خه‌رامان هه‌ێ قی قه‌ێ باڵا به‌رز سووسه‌ن خاڵان هه‌ێ سپاێ سه‌ونزو دێز نه‌و وه‌هاران هه‌ێ زڵه‌ێ زوڵف شور سه‌ر سواران هه‌ێ گه‌ل گه‌ل نازاران پێچ دان وه‌ گه‌رده‌ن تووز باێ شه‌ماڵ له‌ رو خاڵ به‌رده‌ن گه‌ل گه‌ل نازاران سووخ شکار چاو وه‌ پانجه‌ێ شمشاڵ یه‌ک مێان قه‌شاو له‌ سه‌ر سیه‌ قڵا له‌ لاشه‌ به‌تن په‌ریه‌ت بواچم کول کورپه‌ دێه‌تن له‌ ئاو دراتن جه‌ڵا دان سه‌روه‌ن سه‌ف دان چۊ که‌ڵ ره‌م دیار ده‌رون وێنه‌ێ که‌موته‌ر شه‌قه‌ دان له‌ باڵ وه‌یه‌ێ عه‌ێنلا داخڵ بۊن وه‌ ماڵ دو دوڕ دو یاقوت دو دانه‌ لاڵ دیم له‌ رو دو سینه‌ دو قوپه‌ێ زاڵ دیم وه‌ الله‌ وه‌ تاقیق دو شه‌خس له‌ێ ره‌نگه‌ گوڵ سفێد وێنه‌ێ داناێ فه‌ره‌نگه‌ هه‌ردگیان وه‌ هه‌م تۊله‌ نه‌مامه‌ن داێم خه‌دێشان وه‌ سورمه‌ جامه‌ن گه‌وره‌ له‌ وێنه‌وێ نه‌مام له‌ ئاوا بۊچگ له‌ وێنه‌ێ نه‌و تۊل ساوا گه‌وره‌ له‌ وێنه‌ێ سوور گوڵ له‌ باخان بۊچگ له‌ وێنه‌ێ به‌ره‌زاێ شاخان بۊچگ له‌ وێنه‌ێ ره‌نگی مه‌ناره‌ گه‌وره‌ له‌ وێنه‌وێ ئسپێ چناره‌ ++++++++++++++++++++++ سەرناو: دڵداری ٤ سەبارەت: نووسین: کەماڵ ڕەحمانی خان مه‌سۆر: شاکه‌ له‌سه‌ر دا شاکه‌ له‌ سەر دا چل تاج شاهی بواچ له‌ سه‌ر دا ئمڕوو راگه‌ت که‌فت له‌ ده‌ێشت و ده‌ردا کی گره‌ێ ئاگر له‌ جه‌سه‌ت وه‌ردا شاکه‌: ئمڕوو دو هوور دیم، ێمڕوو دو هوور دیم وه‌ دیده‌ت قه‌سه‌م ێمڕوو دو هوور دیم دو باز شه‌ش دانگ، دو قورس نوور دیم زوڵه‌یخا سفه‌ت شێرین ده‌ستوور دیم دو شمس، دوقه‌مه‌ر دو قورس نور دیم به‌رزی باڵاگه‌ێ له‌یلم له‌ دور دیم خامه‌و خێاته‌ێ زوڵفان شووڕ دیم ئه‌بروو چۊ که‌مان به‌هرام گوور دیم هێمان نه‌باران هه‌ردان له‌ لانا باڵشان شه‌ندن وه‌ ڕۊ جه‌هانا ئه‌ر خودا بێلێگان تا بونه‌ ته‌مام قه‌سری مه‌سازان چه‌نێ گوڵ ئه‌نام خاسه‌ چه‌ویڕان تۆ کردی وه‌ بوو نه‌وه‌تی هایمه‌ێ ره‌ وه‌ یاێ توو له‌ به‌رزی باڵا شه‌قێ بان سه‌ر زوڵف چۊ به‌ڕه‌زاێ ڕۊ تاش که‌مه‌ر له‌ وێنه‌ێ شرین شآی دیده‌ مه‌سان دیان وه‌ سه‌فاوه‌ سه‌ێر سه‌راو وه‌سان خان مه‌سۆر: شه‌وق پێشانی چۊ قورس قه‌مه‌ر ئێواره‌ێ لێڵه‌ په‌رده‌ کیشاو سه‌ر قاچ دۆ ئه‌برووش په‌ێ قه‌زاێ سه‌ره‌ سفێد سه‌وڵه‌گه‌ێ شاکه‌ له‌ێ وه‌ره‌ دنیا رووشن که‌ێ وێنه‌ێ شووڵه‌ێ خوه‌ر ئه‌تروو ئه‌نبه‌رێ مه‌چوو وه‌ ده‌ر شاکه‌ نگاکه‌، گران کراسێ جفتی باێده‌من ها چه‌پ و راسێ باێ مه‌ده‌ن ئه‌و ژێر لاله‌ و له‌باسێ وێنه‌ێ واێ شاماڵ گوڵ ها هه‌ناسی سه‌ونزه‌ێ گه‌نم گوون له‌ گێشت کردێگه‌ ره‌ێ وه‌ باڵ بژانگ تیره‌ نازی که‌ێ ته‌ماشا مه‌که‌ێ سای ته‌رتیف خوه‌ێ واوه‌یلی له‌ وه‌ر دڵ داره‌یڵێ خه‌ێ شرین له‌ سه‌ردا، شرین له‌سه‌ردا چۊباز سه‌رسه‌ر، ئامین له‌سه‌ردا سفێد کڵافان قه‌سد کرد وه‌ وه‌ردا په‌خشێ کرد له‌ بان قه‌وسێ که‌مه‌ردا شرین شه‌ماڵ ره‌و، شرین شه‌ماڵ ره‌و وه‌رژه‌ واێ شه‌ماڵ، شرین وه‌ ماڵ ره‌و شرین شار دڵ پر شه‌ێدا مه‌که‌ێ شرین نازاری، وێش په‌ێدا مه‌که‌ێ شرین گل مه‌خوه‌ێ چۊ مانگ له‌ په‌رده‌ شرین رووشن که‌ێ شه‌وان مه‌رده‌ شرین چۊ میناێ سه‌ر مه‌سی مانه‌ شرین هاوساێ بێ که‌سی مانه‌ شرین له‌و وه‌ره‌ قوڵه‌ نه‌ماله‌ن شرین شه‌که‌ر رێژ هه‌ر پیاڵه‌ و جامه‌ن شرین هاو ده‌ن ++++++++++++++++++++++ سەرناو: دڵداری ٥ سەبارەت: نووسین: کەماڵ ڕەحمانی خان مه‌سۊر: شاکه‌ نگا که‌ تیره‌ نازانه‌ بڕێ هاله‌ێ لێو سه‌راو بازانه‌ له‌ماڵ درامان وه‌ تیره‌ نازان وارد بۊن له‌ ئاو سه‌راو بازانه‌ گاگا چۊ سه‌رسه‌وز قیپه‌ دان له‌ ئاو وه‌ په‌نجه‌ێ شمشاڵ یه‌ک مێان قه‌شاو وه‌ په‌نجه‌ێ شمشاڵ شنا مه‌که‌رده‌ن تووز باێ شه‌ماڵ له‌ رۊ خاڵ به‌رده‌ن شاکه‌: له‌ سه‌ر سیه‌ قڵا له‌ لاشه‌ به‌تن په‌ریت بواچم کول کورپه‌ دۊه‌تن له‌ ئاو درامان کول وه‌ پێشته‌وه‌ خان مه‌سۊر دیان له‌ مانێشته‌وه‌ مانێشت که‌فته‌و ده‌ر روحم بۊ تازه‌ چمان ده‌ر قاپێ به‌هێشت لێم وازه‌ مانێشت وه‌ فداێ به‌رزی هه‌واتم قیقه‌ێ نازاران هه‌ر سو له‌ پاتم کوو کوو چه‌ویران قومچه‌ێ سه‌راوێز ناره‌ و نه‌سرین گوڵ ساق له‌رزو په‌ل دێز نازاران وه‌ ناز خێاڵی که‌رده‌ن هه‌ر سوو گورێزان په‌ێ ئاگر گه‌رده‌ن نازاران له‌ خاوو خێاڵی که‌رده‌ن مه‌ته‌رسن له‌ ده‌س سه‌ردی سه‌هه‌رده‌ن هه‌ر ڕووژ مه‌گه‌ردن په‌ێ ئاگر به‌رده‌ن مه‌ترسن له‌ ده‌س سه‌ردی سه‌هه‌ر ده‌ن داخم په‌ێ گوڵێ لاێق وه‌ خانێ که‌فتگه‌ له‌ مه‌ێشت خانه‌ گومانێ دادم په‌ێ گوڵ سفێد کڵافێ که‌فتگه‌ له‌ مێشت دێو ده‌وافێ دادم په‌ێ گوڵ دانه‌ ئه‌نارێ سه‌وز کردگه‌ له‌ پاێ یه‌ێ پیره‌دارێ یا حه‌ق پیره‌دار سایه‌گه‌ێ بوو که‌م رای ئه‌ێ چناره‌ یه‌ێ داگه‌ ده‌م خه‌م ++++++++++++++++++++++ سەرناو: دڵداری ٦ سەبارەت: نووسین: کەماڵ ڕەحمانی شاکه‌: ئه‌ێ فه‌سڵه‌ سه‌ێرات چل ئه‌ڤداڵانه‌ ئه‌مه‌نگاێ مانێشت و سه‌راو بازانه‌ جاگه‌ێ به‌زم و عێش هه‌م قه‌تارانه‌ نازاره‌ێل مه‌ێلێان وه‌ هه‌زارانه‌ یه‌ که‌ێ له‌ یاره‌ێل شووخ دیده‌ مه‌س و په‌نجه‌ێ شمشاڵ هه‌زاران ئه‌و به‌س وه‌ختێ ک مه‌نێشت ئه‌و تاێ هه‌رازان وه‌خش ماوه‌رون خاره‌ت له‌ خه‌زان من خوو سووفی ساف ته‌وبه‌ که‌رده‌ بۊم یه‌قه‌ وازه‌ێ دیم ئێمان هه‌رده‌ بۊم تمه‌ز شه‌ێتانه‌ عێشق دڵ دێون فه‌نه‌ێ ته‌کیه‌ێ حاجیه‌یل شێون شاخه‌ێ زوڵف لۊل دا خس له‌ گه‌رده‌نم وه‌ت ئه‌ر هه‌ێ نامه‌رد ته‌وبه‌ که‌رده‌نم ده‌س برد قاو قڵف یه‌قه‌ لێم سه‌نی زوڵفه‌ێ زڵه‌ کرد چوار ده‌ورم ته‌نی من بێ جام وه‌و زوڵف خام و لۊله‌وه‌ وه‌و ته‌وبوێ که‌رده‌ێ ناقه‌بووله‌وه‌ ++++++++++++++++++++++ سەرناو: دڵداری ٧ سەبارەت: نووسین: کەماڵ ڕەحمانی خان مه‌سۊر خطاب به شاکه: شرین مه‌س مه‌ێ شرین مه‌س مه‌ێ لا ده‌قه‌ێ مه‌جڵس بازه‌ مه‌س مه‌ێ په‌نج تیر په‌نج په‌ێکان، په‌نج په‌ێکان په‌نج په‌ێ وارا وه‌ جه‌سه‌م سێ په‌نج پێیه‌ڵ په‌ێ په‌نج تیر په‌نج په‌ێکان، په‌نج ژار قاتڵ له‌ چوار ته‌ره‌ دا ئه‌جڵام برده‌و دڵ ته‌نێ ک زه‌ده‌نێ په‌نج تیر له‌ لێ بووگ خوازم وه‌ ته‌ مێ زنگانی چۊ بووگ شاکه‌: په‌نج تیر له‌ ته‌رکه‌، په‌نج په‌ێکان له‌ نه‌ێ جه‌سه‌ێ ژار دڵ دارزان له‌ په‌ێ په‌نج تیر کاری په‌نج پێکان تێژ سه‌رم دا وه‌ بڕو دڵم کردێه‌ رێژ په‌نج تیر کاری په‌نج پێکان شازاده‌ێ ئه‌رمه‌ن قڵاو قه‌سه‌ر دڵ سیا کرد چۊ ته‌ن په‌نج تیر په‌نج په‌ێکان شرین مه‌س مه‌ێ بۊ قاتڵ دڵم پێیه‌ڵ په‌ێ سه‌ونزه‌ فه‌رمان دا، جه‌رخه‌ جه‌م که‌رده‌ن زامدار وێشان وه‌ خاک سپه‌رده‌ن له‌ ناو وێشان پرس و جوو که‌رده‌ن له‌ ده‌فه‌ ئه‌وه‌ڵ سفێد ئاوه‌رده‌ن واته‌م: ئه‌ێ سفێد ته‌ن وه‌ توو که‌تان! سه‌رمه‌ناره‌ێ ره‌م سه‌نه‌م سفه‌تان شه‌س که‌ماند خسیه‌ له‌ گه‌رده‌ن ئێ نه‌وجه‌وانه‌ تو شه‌هید که‌رده‌ن وه‌ت: وه‌ که‌ڵام قه‌سه‌م رۊ راسی بۊه‌ن زه‌ده‌ێ تیر من وه‌ێ زامه‌ نیه‌ن له‌ ناو وێشان پرس جوو که‌رده‌ن له‌ ده‌فه‌ێ دوێم هۊلێگ ئاوه‌رده‌ن واتم: ئه‌ر هه‌ێ هوێ داواێ دیاری مه‌ڵهه‌م و شه‌فاێ زامان کاری شه‌س که‌مانه‌د خسیه‌ له‌ گه‌رده‌ن ئێ نه‌و جووانه‌ تو شه‌هید که‌رده‌ن وات: وه‌ کڵام قه‌سه‌م رۊ راسی بۊه‌ن زه‌ده‌ێ تیر من وه‌ێ زامه‌ نیه‌ن له‌ ناو وێشان پرس جوو که‌رده‌ن له‌ ده‌فه‌ێ سێیم بیم زه‌رد ئاوه‌رده‌ن واتم: ئه‌ێ بیم زه‌رد گوونا زه‌ر وه‌ره‌ق پێشانی ل ته‌رز زه‌هره‌ێ سوو شه‌فه‌ق یه‌ێ خاڵی له‌ رۊ گوناد دا ته‌وق مه‌ر شێوه‌ڵه‌ێ فانووس ئاساره‌ێ فه‌له‌ق شه‌س که‌مانه‌د خسیه‌ له‌ گه‌رده‌ن ئێ نه‌و جووانه‌ تو شه‌هید که‌رده‌ن وات: وه‌ کڵام قه‌سه‌م رۊ راسی بۊه‌ن چونگ ئێ هۊنه‌وه‌ نا حه‌ق بۊه‌ن زه‌ده‌ێ تیر من وه‌ێ زامه‌ نیه‌ن کووشته‌ێ زام من نیه‌زانم کیه‌ن له‌ ناو وێشان پرس و جوو که‌رده‌ن له‌ ده‌فه‌ێ چووارم سێا ئاوه‌رده‌ن واتم: ئه‌ێ سێا گوون ++++++++++++++++++++++ سەرناو: دڵداری ٨ سەبارەت: نووسین: کەماڵ ڕەحمانی خان مه‌سۊر ساکه‌ نگاکه‌ وه‌ سه‌راو بازان شاکه‌ نگاکه‌ وه‌ تیره‌ بازان شاکه‌ نگاکه‌ گوڵ نه‌خش ڕازان بڕێ ماڵ خسێه‌ له‌ سه‌راو بازان گه‌ل گه‌ل نازاران شووخ شکار چاو وه‌ په‌نجه‌ێ شمشاڵ یه‌ک مێان قه‌شاو له‌سه‌ر سیه‌ قڵا له‌ لاشي به‌تن په‌ری خه‌م چه‌م، کول کورپه‌ دۊه‌تن نازک نه‌هاڵان هان له‌ خه‌م چه‌م وه‌ ناز گل مه‌خوه‌ن، له‌ په‌رده‌ێ هاره‌م گاگا چۊ سه‌رسه‌وز قۊته‌ بۊن له‌ ئاو وه‌ په‌نجه‌ێ قه‌شاو یه‌ک مێان قه‌شاو گاگا چۊ گوڵان ڕۊ ئاو پووشانن له‌ وێنه‌ێ سه‌رسه‌وز ڕۊ حه‌وز نیشانن هیله‌ێ قه‌ڵه‌م گووش سه‌ر سواران دیم قی قه‌ێ نازاران پاێ مه‌قاران دیم کووچ کورده‌ماڵ نه‌ونه‌هاڵان دیم تاێفه‌ێ له‌ گوڵ سووسه‌ن خاڵان دیم بریقه‌ێ کراس گوڵ خه‌ڵاتان دیم لیسک زه‌ڕین خوه‌رئه‌ڵاتان دیم شاکه‌ له‌ێ وه‌ره‌ من که‌ێخوسره‌و دیم شیرین سففه‌تان وه‌ ڕاگه‌و ڕه‌و دیم شاکه‌: سان سه‌ربه‌رز کورده‌ماڵان دیم زڕه‌ێ بان زۆڵفی سووسه‌ن خاڵان دیم ڕمه‌ێ مه‌شکه‌ ژه‌ن، قۊله‌ێ خورووس دیم چیت سوه‌ێ مه‌ێ ته‌زه‌ عرووس دیم زوڵه‌ێخا مه‌سان عشق وه‌رین دیم شرین سففه‌تان خاڵ خاڵ چین دیم نه‌و تۊل نه‌مامان له‌ ناو ئاو سه‌راو چۊ سه‌رسه‌وز گل خوه‌ن له‌ ڕۊ په‌رده‌ێ ئاو وه‌ نێش ئه‌بروو پێم که‌رد ئشاره‌ وه‌ مه‌وداێ ئه‌ڵماس جه‌رگم که‌رد پاره‌ ++++++++++++++++++++++ سەرناو: دڵداری ٩ سەبارەت: نووسین: کەماڵ ڕەحمانی که‌مه‌ن ده‌رازان که‌مه‌ن ده‌رازان که‌مه‌ن ده‌رازان سه‌راو بازان شرین نه‌مامه‌یل فه‌وج سه‌رداران گوڵ وه‌ وا ده‌ره‌یل فه‌سڵ وه‌هاران مرواری چنه‌یل ئه‌ور وه‌هاران سه‌ونزه‌ به‌ش که‌ره‌یل شاخه‌یل داران شرین شرینه‌یل ئێڵ و ئێڵاخان نه‌و گوڵ نه‌مامه‌یل بووسان و باخان ئه‌و فه‌رهای کوشه‌یل پاێ بێستۊنه‌ ئه‌و که‌ێخوسره‌وه‌یل کاخ وه‌رینه‌ ئه‌و زۆڵه‌ێخایل زینه‌ت مه‌قامه‌ دڵداری یووسف پێان حه‌رامه‌ ئه‌و ئووردی له‌یل ده‌س وه‌ جامه‌وه‌ ئه‌و نازاره‌یل کول مه‌قامه‌وه‌ ئه‌و سپاێ گوڵ سه‌ونزه‌ زارانه‌ ئه‌و ئووردی عه‌زیم نه‌و وه‌هارانو زۆڵفان چنینه‌ که‌مه‌ن وه‌ که‌مه‌ن دڵان ئه‌سیر که‌ن، وه‌ ڕووژ به‌ن وه‌ به‌ن که‌مه‌ن که‌مه‌نان به‌هرام گووڕه‌ که‌مه‌ن درازان وه‌ زۆڵف شووڕه‌ که‌مه‌ن که‌مه‌نان وه‌ ڕۊ قاویان که‌س زیه‌ڵه‌ێ نیه‌ بچووه‌ ناوێان که‌مه‌ن درازان وه‌ گه‌ێشت و گوزار خاک سه‌رسه‌راو کردنه‌ وه‌ وهار خان مه‌سۊر: که‌مه‌ن که‌مه‌نان که‌مه‌ن پێمان خه‌ن دڵان مه‌واران وه‌ ده‌س به‌ن وه‌ به‌ن دڵان مه‌گرن وه‌ ده‌س ته‌ن وه‌ ته‌ن شه‌هیدێ مه‌که‌ن بێ ‌غوسڵ و که‌فه‌ن که‌فه‌ن باوه‌رن په‌ێ مرده‌ێ یاران که‌فه‌ن باوه‌رن ئه‌ێ که‌فه‌ن کاران که‌مه‌ن درازان! که‌فه‌ن پووشم که‌ن له‌ پاێ خاک دڵ سه‌ر وه‌ دووشم نه‌ن من له‌ێ به‌خت به‌د بێ نسیوه‌وه‌ وه‌ێ خۊن ڕشیاێ دڵ خه‌ریوه‌وه‌ وه‌ێ شین و وه‌ێ که‌س مه‌زانه‌وه‌ وه‌ێ شۊه‌ڵه‌ێ ئاگر خه‌م گرانه‌وه‌ که‌س وه‌فادار خاترم نیه‌ن که‌س خه‌وه‌ر نه‌ێرێ یه‌ قه‌ور کیه‌ن ++++++++++++++++++++++ سەرناو: دڵداری ١٠ سەبارەت: نووسین: کەماڵ ڕەحمانی شاکه‌: خه‌و له‌یلی دیم خه‌و له‌یلی دیم خه‌و ناز له‌یل، وه‌ بێ مه‌یلی دیم له‌یل خاتر ته‌ر لێو وه‌ خه‌نه‌وه‌ له‌ خه‌و دیار داو دڵ لیم سه‌نه‌وه‌ ده‌س نا له‌ ناو ده‌س دڵداری ناگاه‌ له‌ ده‌س کرد حه‌ڵقه‌ێ دیاری وه‌ت من له‌یلتم داێه‌م له‌ یه‌ک دۊر هام ده‌نگ شاوان وه‌ دڵگیر و بێ نۊر گاگا ساراێ خه‌م ئه‌و یه‌ک سه‌ر مه‌ده‌یم گاگا له‌ په‌رده‌ێ خاتر گل مه‌خوه‌یم ++++++++++++++++++++++ سەرناو: دڵداری ١١ سەبارەت: نووسین: کەماڵ ڕەحمانی شاکه‌: سووسه‌ن قه‌تاران سووسه‌ن قه‌تاران بچیم وه‌ سه‌روه‌خت سووسه‌ن قه‌تاران سووسه‌ک قه‌تاران ماڵ له‌ ئێڵاخان سووسه‌ن قه‌تاران به‌ڕه‌زاێ شاخان سه‌ونزه‌ گوڵ ده‌مه‌یل بووسان و باخان تازه‌ عه‌رووسه‌یل شاهان و خاقان گه‌ل گه‌ل و تیپ تیپ سووسداێ یاران چۊ قه‌رازه‌ێ قاز نا په‌ێداێ واران خان مه‌سۊر: من شه‌وار خه‌م بێ تۆ سه‌ر مه‌که‌م وه‌ چاو ئه‌سرین گووناێ ته‌ڕ مه‌که‌م گاگا له‌ قه‌ومان و خیشان بێ زارم گاگا یاێ تون وه‌ خاتر مارم یه‌مه‌ سه‌ر حه‌ڵقه‌ێ دڵ مه‌ده‌م وه‌ پێت تا بزانی چوه‌س ده‌رد لێوه‌و شێت من بۊم وه‌ قه‌یس داێه‌م ده‌ر وه‌ ده‌ر وێش بۊ وه‌ قوڵه‌ێ له‌یل خاتر ته‌ڕ شاکه‌ له‌ێ هووزه‌ شاکه‌ له‌ێ هووزه‌ دره‌نگ یاقووته‌ وه‌ لاله‌ پیرووزه‌ سیا ماڵ نشین سوو شکار به‌ره‌ شه‌س بژانگێ په‌ێ قه‌زاێ سه‌ره‌ سفێد سه‌وڵێگه‌، شاکه‌ له‌ێ وه‌ره‌ بۊشم یه‌ مانگه‌ یا قورسه‌ خوه‌ره‌ شه‌وق پێشانی چۊ سانگ دۆ هه‌فته‌ هه‌ر هه‌فته‌ له‌ پێشت دۆ هه‌فته‌ که‌فته‌ خوه‌ێ نیشان مه‌ێا باڵاێ نه‌ێ شه‌که‌ر بێ خوه‌ر له‌ ڕۊ بۊم یه‌ێ شه‌و تا سه‌حه‌ر وێڵ بۊم له‌ خاڵ سینه‌و مه‌مانێ چۊ به‌زاز ده‌رچی سوو دکانێ بازار و دکان داێه‌م له‌م بوو یاران له‌ وه‌خته‌، جما چوه‌د که‌م بوو له‌و ساته‌و وه‌ره‌ پادشاێ شه‌وید ئه‌و شیرین وێنه‌، وێت که‌ێخوسره‌وید ++++++++++++++++++++++ سەرناو: دڵداری ١٢ سەبارەت: نووسین: کەماڵ ڕەحمانی شاکه‌: خان مه‌سۊر چه‌ته‌ مه‌س و خومارید چه‌ته‌ له‌ێ بووته‌ خه‌مین و زارید شۊه‌ڵه‌ێ کام ئاگر زامت کرد کاری مه‌ر جویاێ مه‌ڵهه‌م کام ده‌رد یاری توصیف معمای عشق از زبان خان مه‌سۊر: شاکه‌ شارێ دیم، شاکه‌ شارێ دیم وه‌ دیده‌ت قه‌سه‌م عه‌جه‌و شارێ دیم بازاڕێ له‌ برج سه‌رمه‌نارێ دیم شه‌ربه‌تێ وه‌ ده‌س دکاندارێ دیم دۆ باز شه‌ش دانگ له‌ یه‌ک سڕ پووش دیم ئووردی عه‌زیم له‌ یه‌ک خورووش دیم شاکه‌: په‌ریت بواچم ماناێ ئه‌و شاره‌ بازار خوو له‌شه‌، سه‌ر خوو مه‌ناره‌ شه‌ربه‌ت خوو ده‌مه‌، ده‌س دکانداره‌ لێوه‌یلێ نقڵه‌و له‌و قه‌نده‌هاره‌ دۆ باز خوو چه‌مه‌ له‌ یه‌ک سڕ پووشه‌ ئووردی خوو زڵفه‌ له‌و بان خورووشه‌ عه‌تتار خوو عه‌تتار سیاێ سڕ پووشه‌ تاێفه‌ی بێ باک له‌و بان خرووشه‌ شادار و زڵفی بوه‌ی وه‌ له‌شکه‌ر خاڵ بوو وه‌ خاره‌ت خوه‌مان وه‌ به‌شکه‌ر ئمڕوو له‌یلێ دیم له‌ ڕاگه‌و ڕێ بۊ شیشه‌ێ له‌ مه‌ڵهه‌م ده‌واێم پێ بۊ وه‌تم ئه‌ر هه‌ێ له‌یل، تن سواو ڕێت به‌و بکه‌ ده‌رمان ده‌رد لێوه‌و شێت وه‌ت شیر مار و مرخ و تووک شاخ خه‌ر گلاره‌ێ هد هد و خۊن که‌مووته‌ر واننه‌ وه‌ یه‌کا بکه‌ په‌روه‌رده‌ تا بووگه‌ دواێ شه‌فاێ ئه‌و ده‌رده‌ وه‌تم: ئه‌ێ حه‌کیم هاوار، لۆقمان{وه‌رین} ده‌وا ها له‌ ده‌ر ده‌رد ها له‌ ده‌رۊن وه‌ت: گه‌رد گه‌رد سرمه‌ێ ده‌ور چه‌وانم زه‌ره‌ێ له‌و عه‌رق دلوو مه‌مانم بووڵایه‌ی له‌ من و بساێه‌ێ له‌ وێت وه‌ بووگه‌ ده‌رمان ده‌رد لێوه‌و شێت وه‌تم: له‌وره‌و زانسم حه‌کیم ده‌دری وه‌ یه‌ێ هشاره‌ ئازامه‌و که‌رد ++++++++++++++++++++++ سەرناو: دڵداری ١٣ سەبارەت: نووسین: کەماڵ ڕەحمانی شاکه‌: زوڵێخام بازی، زوڵێخام بازی له‌ێل و زوڵێخا کردن شان بازی وه‌ قیقه‌ێ خه‌نه‌و که‌مه‌ن درازی قاوێ هاوردن کردن وه‌ قازی قاو خو قاو نه‌ۊ له‌ چووار ته‌ره‌ف تیش ژێر جگو بان کووک که‌م کوتاو که‌م نێش نه‌وبه‌ێ له‌ێلی بۊ قاو له‌ به‌ڵه‌ێشته‌ن ئنگشته‌ر هاورد ته‌بڵ شاهی ژه‌ن نه‌وبه‌ت که‌فته‌و ده‌س زوڵێخای سه‌ر زه‌ر وێش بۊ وه‌زیر له‌ێل خاتر ته‌ر نه‌وبه‌ت که‌فته‌و من وه‌ خودا لاڵام ده‌س چه‌پ بردم سه‌رزه‌مین ماڵام ئه‌وه‌ڵ بازیم کرد، قاووم که‌فته‌و کڕ من بۊمه‌ دز خرقه‌ێ وێران بڕ بگیر بگیر بۊ، شه‌ش ته‌ن شه‌ش ته‌ن بۊ من له‌ی مابه‌ێنه‌ دڵم یه‌ی ته‌ن بۊ وه‌ ڕه‌زم گورجی فه‌رار فه‌را بۊ جه‌ڵاێ دڵ من قه‌تار وه‌ ڕا بۊ هه‌ێ کرد قوڵامان و فه‌ڕاشان چڕی شه‌ش ته‌رکه‌ێ ئه‌نار له‌ باخان بڕی شه‌ش ته‌رکه‌ێ ئه‌نار، وشک و پیچ و ژان دا له‌ که‌ف پام هه‌ر مه‌ن وه‌ سقان شه‌ش ته‌رکه‌ێ ئه‌نار لا تلیش نه‌ێ هه‌ر بیس ناخونم دراورد له‌ په‌ێ وه‌تم: ئه‌گه‌ر کوشیده‌م وه‌ دار به‌ێ دا وه‌ ناو مه‌ماندا، وه‌ شه‌که‌ر نه‌ێ دا ئه‌وقه‌ ئه‌و کوشته‌م وه‌ سه‌ماخ و گوڵ وه‌ چوو دارچینی وه‌ ڕیشه‌ێ سمبڵ من هۊچ خه‌ێرێ نه‌یم له‌ چه‌وه‌یل کاڵان فه‌ڵه‌ک ته‌وبه‌ بوو نه‌خووازم ئامان فه‌ڵه‌ک ته‌وبه‌ بوو له‌ ئامان و کو یه‌ ده‌س منه‌ وه‌ دامان تو ده‌س له‌ دامان شه‌خسێ بۊه‌ گیر به‌یو بێ فه‌رزه‌ن، بێ خوداو بێ دیر له‌ خه‌و گورێزیا سه‌وڵ خرامان یه‌قه‌ێ وێش دڕی له‌ سه‌ر وه‌ دامان یه‌قه‌ێ وێش دڕی له‌ پا تا وه‌ سه‌ر ئافێ وه‌ لۊله‌ ده‌روا که‌فته‌و ده‌ر وه‌ت: قه‌ومان و خێشان لێت که‌م خه‌وه‌ردار پاره‌ پاره‌ت که‌ن وه‌ متری ئاودار وه‌تم: وه‌ تێخ مه‌کوشه‌م زامم دیاره‌ خه‌ڵقان مه‌واشن یه‌ گوناکاره‌ تاڵێ له‌ زوڵفت بنه‌ له‌ گه‌رده‌ن خه‌ڵقان مه‌واشن یه‌ مه‌رگێ مه‌رده‌ن ++++++++++++++++++++++ سەرناو: پەێک ١ سەبارەت: نووسین: کەماڵ ڕەحمانی خان مه‌سۊر: شه‌ماڵ وه‌ ئه‌ێوان، شه‌ماڵ وه‌ ئه‌ێوان ده‌سم ئامانه‌ت مه‌چی وه‌ ئه‌ێوان شه‌ماڵ وه‌ وه‌ته‌ن، شه‌ماڵ وه‌ وه‌ته‌ن ده‌س وه‌ وه‌ دامه‌نت مه‌چی وه‌ وه‌ته‌ن مه‌چی وه‌ وه‌ته‌ن وه‌ ساێ دار وه‌ن جه‌سه‌م نیشان ده‌ی ده‌ ڕاێ سه‌ی حه‌سه‌ن شه‌ماڵ به‌ن وه‌ به‌ن، شه‌ماڵ به‌ن وه‌ به‌ن ده‌س وه‌ دامانم مه‌چی وه‌ وه‌ته‌ن ئه‌ێوان که‌ن که‌نه‌ن، ئه‌ێوان که‌ن که‌نه‌ن له‌ لاێ ماڵشان دز گوشگه‌ێ هه‌نه‌ن شه‌ماڵ تۆ مه‌حره‌م بێگانه‌و خیشی باێه‌د ئه‌ێ جه‌وره‌ په‌ێ من بکیشی مه‌چی وه‌ مابه‌ێن خوڕان و بازان جاگه‌ێ عه‌یش و نووش که‌مه‌ن درازان له‌ بن که‌نێ خووه‌ت به‌ر وه‌ پێوار نه‌وانا وه‌ لێت بوون خه‌وه‌ردار جاگه‌ێ ده‌س چه‌پ وه‌رد نیه‌ێ له‌ مێشت ته‌نیا وانه‌ێ هه‌س له‌و لاێ وانه‌یل گێشت که‌نه‌ن که‌ ناوه‌ن، به‌هاراو که‌نه‌ن له‌و لاێ ئه‌و که‌نه‌، دز کووشگه‌ێ هه‌نه‌ن شه‌ماڵ له‌و که‌نه‌ بووس تا نیمه‌ شه‌و تا وه‌خت واده‌ێ ئێڵ مه‌چووگه‌و خه‌و ئه‌و حه‌ڵقه‌ێ که‌مه‌ن گیسوو گوور نه‌یت به‌هرام نه‌مه‌د پووش ئه‌رگ دوور نه‌یت شێخ سه‌نا نه‌یت وه‌و حاڵاته‌وه‌ وه‌و سکه‌ێ سفێد خجاڵاته‌وه‌ نازار خه‌فتگه‌ خاووێ وه‌ نازه‌ لا وه‌یشت گه‌رما شه‌و یه‌قه‌ێ وازه‌ چیت ئه‌سپه‌ر پێچ ها له‌ خووار پاش وه‌ ڕۊ ئه‌و چیته‌ شه‌و بچوو وه‌ لاش ئه‌گه‌ر خه‌فتگه‌ نه‌ده‌ی وه‌ خارێ ئه‌گه‌ر بێداره‌ مه‌ده‌ی ئازارێ بیلا بێدار بوو ئه‌و شرین خاووان وه‌وو په‌نجه‌ێ شه‌ماڵ ده‌س به‌ێ وه‌ چاووان ده‌س به‌ێ وه‌و چاووان گوپار گه‌رده‌ خه‌و ئه‌جه‌و وه‌و سه‌روه‌ن وه‌ ناز به‌سه‌ ته‌و ده‌س دا وه‌ چاووان، له‌ ماڵ هاته‌و ده‌ر وڵات ڕووشن کرد وه‌رجه لیسک خوه‌ر ئۊشی وه‌ پێدا تا وه‌ نزم شه‌و تا وه‌خت واده‌ێ ئه‌و مه‌چووگه‌و خه‌و مه‌چید ئه‌و حوزوور پاێ ته‌خت عالی بێ ئه‌ده‌و حه‌رزه‌ی وێش نه‌که‌ی حالی بوواچ من نامه‌ێ قه‌ێسه‌م ئاورده‌ن قه‌ێس هه‌م په‌رێ تو ئێمانش هه‌رده‌ن ++++++++++++++++++++++ سەرناو: پەێک ٢ سەبارەت: نووسین: کەماڵ ڕەحمانی شاکه‌: شنه‌ێ واێ شه‌ماڵ شنه‌ێ واێ شه‌ماڵ له‌لاێ دوسه‌و تێد شنه‌ێ واێ شه‌ماڵ شه‌ماڵ وه‌و لێو پڕ وه‌ خه‌نه‌وه‌ وه‌و عه‌ترو عه‌بیر پڕ چه‌مه‌نه‌وه‌ شه‌ماڵ وه‌و شنه‌ێ ئێڵاخیه‌وه‌ وه‌و عه‌تر و عه‌بیر گوڵ باخیه‌وه‌ که‌م که‌م و ده‌م ده‌م، له‌ کاوان سه‌ر دا بوو هه‌ناسه‌ێ یار له‌ دۊر خه‌وه‌ر دا له‌ کاوان هاته‌وه‌، ده‌روه‌ن وه‌ ده‌روه‌ن وه‌ باخان ره‌سی وه‌لاێ یاسه‌مه‌ن وه‌لاێ ئه‌و یاس سه‌روه‌ن جه‌ڵاوه‌ سه‌ونز دیز په‌ل زریه‌ تڵاوه‌ من چۊ خار پاێ قونچه‌ێ خاتر ته‌ر عه‌تر واێ شه‌ماڵ مه‌کیشامه‌و سه‌ر مه‌کیشامه‌و سه‌ر بو هه‌ناسه‌ێ یار له‌ دڵ مه‌سوزیام وێنه‌ێ شاخ دار ++++++++++++++++++++++ سەرناو: قەزاووقەدەر سەبارەت: نووسین: کەماڵ ڕەحمانی خان مه‌سۊر: کوور سووز بسووز و تا سو سفێ بوو تا ساڵێگ هه‌نی ده‌وران کی بوو ب شاکه‌: کوور سووز بسووز تا سوو سفێ بوو تا ساتێ هه‌نی ده‌وران کی بوو خان مه‌سۊر ئه‌رای شاه پرور: بۊش وه‌ شاپه‌روه‌ر نه‌چو وه‌ ماڵان خاڵ سه‌وز و دێز مه‌ده‌ێ وه‌ تاڵان بۊش وه‌ شاپاروه‌ر خوه‌ێ نه‌که‌ێ شه‌ێدا چمان له‌ ماده‌ر من نه‌ۊمه‌ په‌ێدا خان مه‌سۊر: له‌ قه‌نه‌هاره‌و بپه‌ڕیم چۊ ته‌ێر له‌ بانکووڵه‌وه‌ ئه‌ێوان بکه‌یم سه‌ێر ئه‌و قه‌نه‌هاره‌، قه‌نێ وه‌ باره‌ ئه‌ڕا شاپه‌روه‌ر کول ژه‌هر مار مه‌ر په‌خشه‌ ناڵ بکه‌ی وه‌ بزماره‌وه‌ شتر لانه‌ که‌ی وه‌ مه‌غاره‌وه‌ مووریژ بار فیل بووه‌ێ وه‌ ڕه‌وان ماهی بله‌وه‌ڕێ له‌ به‌ره‌فتاوان نمه‌ک سه‌وز بکه‌ێ له‌ مه‌رخه‌زاران کیه‌نی بتووقێ له‌ شاخه‌ێ داران فه‌رهاێ زنده‌و بوو بخوازێ شێرین به‌زم سۊر بگرن له‌ پاێ بێستۊن شیر مار و مرخ بکه‌یم له‌ شیشه‌ قوده‌ێ سه‌ره‌تان ده‌راێ له‌ ڕیشه‌ له‌ قه‌نده‌هاره‌و باڵ بگرم چۊ ته‌ێر له‌ بان کووڵه‌وه‌ ئه‌ێوان بکه‌م سه‌ێر مه‌ر قاتر بزاێگ که‌ێکم بگرێ به‌ر خه‌ر شاخ درارێ وێ بگرێ سه‌مه‌ر مه‌ر وه‌ یاێ بکه‌م له‌یل خاتر ته‌ر مه‌ر ئه‌وسا بۊنم باڵاێ شاپه‌روه‌ر له‌ قه‌نه‌هاره‌و قه‌نێ وه‌ باره‌ ئڕاێ شاپه‌روه‌ر کول ژار ماره‌ بۊش وه‌ شاپه‌روه‌ر نه‌که‌ێ تیر و تن هام له‌ قه‌نه‌هار له‌ ژێر باڵ هن هام له‌ قه‌نه‌هار، له‌ قڵاێ گورگین ئه‌ر کوشیام له‌ جه‌نگ ئڕام نه‌که‌ی شین ئه‌ر کوشیام له‌ جه‌نگ فه‌داێ یارانم فه‌داێ خاڵ خاسان سه‌ر دیارانم هه‌ر لاێ ک ڕۊ که‌م دوشمن و کووهه‌ قه‌ڵاچه‌ێ ئڕام چۊ که‌یشتی نووحه‌ کووان سه‌ربه‌رز پڕ له‌ دارانه‌ دوژمن له‌ ناو دار سه‌د هه‌زارانه‌ نیه‌زانم ئاخر چ ته‌ور مه‌بوو کار چۊ بازی مه‌که‌ێ چه‌رخ ڕووزگار ئۆمیدووار بوی په‌ێ دیدار من نگاداری که‌ی ده‌یشت و شار من ده‌س وه‌ دوعا بوو ئڕا به‌رگه‌یشتم له‌ کول بڕیامه‌ ئاواره‌ێ ده‌یشتم ئه‌گه‌ر هاتمه‌و ئه‌ێوان ئاباد بۊنمه‌ت وه‌ چاو خاتر بکه‌م شاد ئمڕوو چیم وه‌ به‌زم سه‌رداران فه‌وج له‌ قڵاێ گورگین نه‌ێشته‌ بۊن وه‌ هه‌وج ++++++++++++++++++++++