شاعیر: شاکە و خان مەنسوور
کتێب: دیوانی شاکە و خان مەنسوور
سەرناو: پەێک ٢
سەبارەت: نووسین: کەماڵ ڕەحمانی

شاکه‌: 

شنه‌ێ واێ شه‌ماڵ شنه‌ێ واێ شه‌ماڵ
له‌لاێ دوسه‌و تێد شنه‌ێ واێ شه‌ماڵ

شه‌ماڵ وه‌و لێو پڕ وه‌ خه‌نه‌وه‌
وه‌و عه‌ترو عه‌بیر پڕ چه‌مه‌نه‌وه‌

شه‌ماڵ وه‌و شنه‌ێ ئێڵاخیه‌وه‌
وه‌و عه‌تر و عه‌بیر گوڵ باخیه‌وه‌

که‌م که‌م و ده‌م ده‌م، له‌ کاوان سه‌ر دا
بوو هه‌ناسه‌ێ یار له‌ دۊر خه‌وه‌ر دا

له‌ کاوان هاته‌وه‌، ده‌روه‌ن وه‌ ده‌روه‌ن
وه‌ باخان ره‌سی وه‌لاێ یاسه‌مه‌ن

وه‌لاێ ئه‌و یاس سه‌روه‌ن جه‌ڵاوه‌
سه‌ونز دیز په‌ل زریه‌ تڵاوه‌

من چۊ خار پاێ قونچه‌ێ خاتر ته‌ر
عه‌تر واێ شه‌ماڵ مه‌کیشامه‌و سه‌ر

مه‌کیشامه‌و سه‌ر بو هه‌ناسه‌ێ یار
له‌ دڵ مه‌سوزیام وێنه‌ێ شاخ دار

++++++++++++++++++++++