شاعیر: عەبدوڵڵا پەشێو
کتێب: سەوڵم پۆڵا کەناریش دوور
سەرناو: ئاڵوودەیی
سەبارەت: ٢٠١٣/٨/١٣ - ریگا - لاپەڕەی ١٩٧,١٩٨ - نووسین: ڕێزان عەلیپوور

چەند جار خۆم تاقی کردەوە
بێ تۆ بژیم، 
سەرهەڵگرم تەنیا و سووکبار، 
نیشتمانێک بدۆزمەوە
بێ پەرژین بێ، 
بێ دەمبێن و دەرگە و دیوار... 
کەچی، هێندە دەستەمۆتم، 
وا بە دیلی چەشت کردووم، 
هەرکە بێ تۆم، 
باڵدارێکی سەراسیمەی بێ پەڕوپۆم، 
ئۆقرەم نییە، 
لە قەفەزێک ڕەها دەبم، 
بۆ ئەوی دی بەلەز دەڕۆم!

++++++++++++++++++++++