شاعیر: عەبدوڵڵا پەشێو
کتێب: سەوڵم پۆڵا کەناریش دوور
سەرناو: بەدگومانی
سەبارەت: ٢٠١١/٦/٢٩ - ڕیگا-تالین - لاپەڕەی ١٢٩,١٣٠ - نووسین: خالید قادری

چەند سەیری خۆت دەکەی بکە، 
لە بنپێوە تا تۆقی سەر. 
هەر چۆنی خۆت دەخەمڵێنی بخەمڵێنە، 
سەرپشک بە و ئازادەسەر! 
منیش لێرە، 
بەدگومانی وەها دڵی کرمێ کردووم، 
زۆر نەماوە بتوێتەوە. 
بیرم هەروا
دەوراندەوری
ئەو ئاوێنە باڵابەرزە چاوباشقاڵە
دەخولێتەوە... 
نازانم چۆن کوێری بکەم، 
تا نەتوانێ
ئەوەندە لێت وردبێتەوە!

++++++++++++++++++++++