شاعیر: عەبدوڵڵا پەشێو
کتێب: سەوڵم پۆڵا کەناریش دوور
سەرناو: قوون و کورسی
سەبارەت: ٢٠١١/٤/٥ - هێلسنكی - لاپەڕەی ١١٣,١١٤ - نووسین: خالید قادری

کاتێ لە ماڵ بێزار دەبم
ناوماڵ و دیکۆڕ دەگۆڕم: 
لە کۆمەد دۆڵابەوە
تا دەگاتە فەرشی بەرپێ. 
کە لە خۆشم بێزار دەبم
دیسان هەندێک شت دەگۆڕم: 
قەڵەم، قۆپچە، کراس، دەرپێ... 
لێ نازانم، 
چ لە شاشەی تیڤی بکەم؟ 
دەیان ساڵە، هەمان قوون و هەمان کورسی، 
هەمان دەنگ و
هەمان چەنگ و
هەمان چەهرە و
هەمان چەنە و چاوی برسی... 
شاشەیەکە، حوکمە دەبێ هەتا مردن لێی بنۆڕم. 
دۆش داماوم، 
قوون و کورسیی سەر شاشەکان چۆن بگۆڕم؟ !

++++++++++++++++++++++