شاعیر: عەبدوڵڵا پەشێو
کتێب: سەوڵم پۆڵا کەناریش دوور
سەرناو: من عاشقێکی زگماکم
سەبارەت: ٢٠١٠/١٢/٢٩ - ڕیگا - لاپەڕەی ١٠٣،١٠٤ - نووسین: خالید قادری

کە یەکمجار زریکاندم
پشکەعەشقێک بوو بە هەوا و
تکایە ناو سییەکانم. 
عەشق هات و ناوکی بڕیم، 
عەشق هات و فرچکی دام، 
یەکەم دەسرازەی بۆم چنی و
دنیای ڕەشی کرد بە دنیام. 
***

من عاشقێکی زگماکم، 
باوەڕ بکەن، 
ئەگەر خڕکەبەردێکیش بام لە لاڕێیک
عەشقی بەردێک دڵمی دەسمی، 
یا دەبوومە سەوداسەری دراوسێیەک: 
کۆلکەدارێک، 
گۆمیلکەیەک، 
پەڵەتیشکێک یا نسێیەک! 
من عاشقێکی زگماکم!

++++++++++++++++++++++