شاعیر: عەبدوڵڵا پەشێو
کتێب: سەوڵم پۆڵا کەناریش دوور
سەرناو: داوی ڕەش و سپی
سەبارەت: ١٩٩١/١٢/١٩ - مۆسکۆ - لاپەڕەی ١٥و١٦ - نووسین: ناشناس - سەرچاوە: https: //t. me/abdulla_pashew

هێندەی کونی دەرزییکە
زارکی ژینی هەڵوەدایی، 
خۆشی خەمی پێوە دەچێ
داوی سپی و ڕەش ئاسایی. 
***
چاوەڕێی چیم؟ 
کاڵای سەفەر، کوا چی ماوە تا تەواو بێ؟ ! 
چەند تەقڵێک! 
بۆیە، ئێستا، 
خۆم و قەڵەم و کاغەزێک، 
لەناو بازنەی نیوەشەودا، 
دەستمان ناوەتە بەر چەنە و
هەڵترووشکاوین بە کپی، 
دەمانەوێ لەوە بگەین، 
بۆ داوی ڕەش باریکتر بوو لە هی سپی!

++++++++++++++++++++++